ଭୁବନେଶ୍ବର: ୧୯୭୫ ମସିହା ଆଜିର ଦିନରେ ଦେଶରେ ଘୋଷଣା ହୋଇଥିଲା ଜରୁରୀକାଳୀନ ପରିସ୍ଥିତି । ଏହାକୁ ଅଗଣତାନ୍ତ୍ରିକ ଦର୍ଶାଇ ପ୍ରତିବର୍ଷ ଜୁନ ୨୫ରେ ବିଜେପି ପକ୍ଷରୁ କଳା ଦିବସ ପାଳନ କରାଯାଉଛି । ଇନ୍ଦିରା ଗାନ୍ଧୀଙ୍କ କାର୍ଯ୍ୟଶୈଳୀକୁ ସମାଲୋଚନା କରିଛି ଦଳ ।
ଜରୁରୀକାଳୀନ ପରିସ୍ଥିତି ଗଣତନ୍ତ୍ର ପାଇଁ କଳା ଅଧ୍ୟାୟ: ବିଜେପି
ଆଜିଠାରୁ ୪୭ବର୍ଷ ତଳେ ଇନ୍ଦିରା ଗାନ୍ଧୀ ଦେଶରେ ଜରୁରୀକାଳୀନ ପରିସ୍ଥିତି ଘୋଷଣା କରିଥିଲେ । ସମ୍ବିଧାନର ଅପବ୍ୟବହାର କରି ତତ୍କାଳୀନ ପ୍ରଧାନମନ୍ତ୍ରୀ ଦେଶରେ ଏଭଳି ପରିସ୍ଥିତି ସୃଷ୍ଟି କରିଥିଲେ ବୋଲି ବିଜେପି ଅଭିଯୋଗ କରିଛି । ଆଜିର ଯୁବପିଢି଼ଙ୍କୁ ଏହି ଘଟଣା ସମ୍ପର୍କରେ ଜାଣିବାର ଆବଶ୍ୟକ ଥିବାରୁ ଦଳ ପ୍ରତିବର୍ଷ ଏହିଦିନକୁ କଳା ଦିବସ ରୂପେ ପାଳନ କରୁଛି ବୋଲି ଭୁବନେଶ୍ବର ବିଜେପି ସଭାପତି ବାବୁ ସିଂ ପ୍ରକାଶ କରିଛନ୍ତି । ତେବେ ସମ୍ବିଧାନ ବିରୋଧି କାର୍ଯ୍ୟକୁ ସବୁ ସ୍ତରରେ ବିରୋଧ କରିବାକୁ ସେ ସମସ୍ତଙ୍କୁ ଆହ୍ବାନ କରିଛନ୍ତି ।
ଇଟିଭି ଭାରତ, ଭୁବନେଶ୍ବର
