ଭୁବନେଶ୍ବର: ଲକଡାଉନ କଟକଣାକୁ ନେଇ ଉଡାଣ ଅପେକ୍ଷାରେ ବିମାନବନ୍ଦର କର୍ତ୍ତୁପକ୍ଷ । ଲକଡାଉନ ହଟିବା ପରେ, ବିମାନଚଳାଚଳ ମନ୍ତ୍ରାଳୟର ପରବର୍ତ୍ତୀ ନିର୍ଦ୍ଦେଶ କଣ ରହିବ ସେଥିପାଇଁ ଅନାଇ ବସିଛନ୍ତି ବିଜୁପଟ୍ଟନାୟକ ବିମାନବନ୍ଦର କର୍ତ୍ତୁପକ୍ଷ । ତେବେ ଗ୍ରୀନ ସିଗନାଲ ମିଳିବା ପରେ ଉଡାଣ ଭରିବାକୁ ତୟାର କର୍ମଚାରୀ ।
କୌଣସି ମୁହୁର୍ତ୍ତରେ ଆସିପାରେ ବିମାନ ଚଳାଚଳର ନିର୍ଦ୍ଦେଶ । ଏଥିପାଇଁ ବିମାନବନ୍ଦର କର୍ତ୍ତୁପକ୍ଷ ସିଆଇଏସଏଫ ମିଳିତ ଭାବେ ବୈଠକ ହୋଇଛି । ବୈଠକରେ ଘରୋଇ ଓ ଅନ୍ତର୍ଜାତୀୟ ବିମାନ ଉଡାଣ ଉପରେ ସ୍ବତନ୍ତ୍ର ନଜର ରହିଛି । ନିର୍ଦ୍ଦେଶ ମିଳିଲେ ସମସ୍ତ ଅପରେସନ ପାଇଁ ପ୍ରସ୍ତୁତ ରହିବାକୁ ବୈଠକରେ ନିଷ୍ପତ୍ତି ହୋଇଛି । ବର୍ତ୍ତମାନ ସରକାରଙ୍କ ନିର୍ଦ୍ଦେଶ କ୍ରମେ ସକାଳ ୧୦ଟାରୁ ୬ଟା ପର୍ଯ୍ୟନ୍ତ ବମାନବନ୍ଦର ଚାଲୁ ରହିଛି । କେବଳ କୋରୋନା ସମ୍ପର୍କିତ ଔଷଧ ଓ ଇକ୍ୟୁପମେଣ୍ଟ କାର୍ଗୋ ଫ୍ଲାଇଟ ଓ ମେଡିକାଲ ଏମରଜେନ୍ସି ସମ୍ପର୍କିତ ଅପରେସନ ଜାରି ରହିଛି ।
ଲକଡାଉନ ହଟିଲେ ଯାହା ନିର୍ଦେଶ ରହିବ ସେହି କ୍ରମରେ ସମସ୍ତ ପ୍ରସ୍ତୁତ ହୋଇ ରହିଛନ୍ତି ବିମାନବନ୍ଦର କର୍ତ୍ତୁପକ୍ଷ।
ଭୁବେନଶ୍ବରରୁ ତାପସ ପରିଡା, ଇଟିଭି ଭାରତ
