ଭୁବନେଶ୍ବର: ଅପରାଧ ରୋକିବାକୁ ବସ୍ତିକୁ ଚାଲ ଅଭିଯାନ ମାଧ୍ୟମରେ ବସ୍ତିରେ ପହଞ୍ଚିଛନ୍ତି ଭୁବନେଶ୍ବର ଡିସିପି । ବସ୍ତିରେ ପହଞ୍ଚି ଡିସିପି ବାସିନ୍ଦାଙ୍କ ହାଲଚାଲ ପଚାରି ବୁଝିଛନ୍ତି ।
ଏହି ଗସ୍ତ ସମୟରେ ଭୁବନେଶ୍ବର ଡିସିପି ଉମାଶଙ୍କର ଦାସ ବସ୍ତି ବସିନ୍ଦାକୁ ଅପରାଧରୁ ନିବୃତ୍ତ ରହିବାକୁ ପରାମର୍ଶ ଦେଇଛନ୍ତି ।ଯାହାର କ୍ରମରେ ଶନିବାର ଏୟାରଫିଲ୍ଡ ଥାନା ଅନ୍ତର୍ଗତ କପିଳପ୍ରସାଦରେ ଥିବା ଭଗବତି ବସ୍ତିରେ ପହଞ୍ଚିଥିଲେ ଭୁବନେଶ୍ବର ଡିସିପି । ନିଜ କାର୍ଯ୍ୟକାଳ ଭିତରେ ଭୁବନେଶ୍ବରରେ କିପରି ଅପରାଧ ରୋକାଯାଇ ପାରିବ ସେନେଇ ପ୍ରସ୍ତୁତ କରିଥିବା ବ୍ଲୁପ୍ରିଣ୍ଟ ସଫଳ କରିବାକୁ ବସ୍ତି ବାସିନ୍ଦାଙ୍କୁ ଅପରାଧିକ ମାମଲାରୁ ଦୂରେଇ ରହିବାକୁ ପରାମର୍ଶ ଦେଇଛନ୍ତି ।
ସହର ଅନେକ ସୁବିଧା ସତ୍ତ୍ବେ କିପରି ଜଣେ ବ୍ଯକ୍ତି ଅପରାଧମୁକ୍ତ ଜୀବନଶୈଳୀ ବିତାଇପାରିବେ ସେନେଇ ବସ୍ତିର ବରିଷ୍ଠ ନାଗରିକଙ୍କୁ ବୁଝାଇଥିଲେ । ଏପରିକି ଏକ ଆତ୍ମିୟତା ଓ ପାରିବାରିକ ସମ୍ପର୍କ ଭିତରେ କିଭଳି ଜଣେ ଯୁବକ ବା ଛୋଟ ପିଲାକୁ ଅପରାଧଠୁ ରୋକାଯାଇପାରିବ ସେନେଇ ଆଲୋଚନା କରିଛନ୍ତି ଡିସିପି । ସେହିପରି ଏହି ଅବସରରେ ମେଡିକାଲ କ୍ଯାମ୍ପ ଜରିଆରେ ୨୦୦ରୁ ଊର୍ଦ୍ଧ୍ବ ଲୋକଙ୍କ ସ୍ବାସ୍ଥ୍ୟ ପରୀକ୍ଷା କରାଯାଇଥିଲା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
