ଭୁବନେଶ୍ବର: କର୍ମକ୍ଷେତ୍ରରେ ମହିଳା କର୍ମଚାରୀଙ୍କୁ ଅସଦାଚରଣ ଅଭିଯୋଗ । ଟପ ସିନିୟରଙ୍କୁ ଖୁସି କଲେ ମିଳୁଛି ପ୍ରମୋସନ । ଟୁର ଭିଜିଟ ସହ ସର୍କଲ ହେଡ ଓ ବ୍ରାଞ୍ଚ ହେଡଙ୍କ ସହ ପାର୍ଟି ଆଟେଣ୍ଡ କଲେ ଚଏସ ପୋଷ୍ଟିଂ ସହ, ପ୍ରମୋସନ , ଇନକ୍ରିମେଣ୍ଟ ଭଳି ସୁଯୋଗ ଦିଆଯାଉଛି । ଏଭଳି ସାଙ୍ଘାତିକ ଅଭିଯୋଗ ଆଣିଛନ୍ତି ରାଜଧାନୀର ଏକ ଆକ୍ସିସ ବ୍ୟାଙ୍କ ମହିଳା ବ୍ରାଞ୍ଚ ମ୍ୟାନେଜର ।
ଏନେଇ ଅଭିଯୋଗକାରିଣୀ ଜଣକ ଥାନାରେ ଅଭିଯୋଗ କରିଛନ୍ତି । ସିନିୟର ସର୍କଲ ହେଡ ଅରବିନ୍ଦ ସାହୁ ଏବଂ ବ୍ରାଞ୍ଚ ହେଡ ପ୍ରଶାନ୍ତ ମିଶ୍ରଙ୍କ ନାଁରେ ଏହି ଅଭିଯୋଗ କରିଛନ୍ତି ମହିଳା ବ୍ରାଞ୍ଚ ମ୍ୟାନେଜର ।
ଆକ୍ସିସ ବ୍ୟାଙ୍କ ମହିଳା ମ୍ୟାନେଜରଙ୍କ ଅଭିଯୋଗ
ତାଙ୍କୁ ବ୍ରହ୍ମପୁର ବଦଳି କରାଯାଇଥିବା ବେଳେ ସେନେଇ ଅଫିସିଆଲଙ୍କୁ ଜଣାଇବା ବେଳେ ଏଭଳି ଅସଦାଚରଣ କରାଯାଇଥିବା ଅଭିଯୋଗ କରିଛନ୍ତି । ତେବେ ପୂର୍ବରୁ ଏପରି ଅସଦାଚରଣ ହୋଇଥିବା ବେଳେ ଏନେଇ ବ୍ୟାଙ୍କର ହାରାସମେଣ୍ଟ ସେଲକୁ ଜଣାଇଥିଲେ ମଧ୍ୟ କୌଣସି ପଦକ୍ଷେପ ନିଆଯାଇ ନଥିବା ସେ ଅଭିଯୋଗ କରିଛନ୍ତି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
