ଭୁବନେଶ୍ବର: ଟ୍ରାଫିକ ସଚେତନତା ପାଇଁ ଅଭିନବ ପ୍ରୟାସ । ଫାଇନ କାଟିଲେ ମିଳୁଛି ମାଗଣା ହେଲମେଟ୍ । ଟ୍ରାଫିକ ଉଲଙ୍ଘନକାରୀଙ୍କୁ ଏଭଳି ଉପାୟରେ ସଚେତନ କରୁଛି କମିସନରେଟ ପୋଲିସ । କଳ୍ପନା ଛକରେ ହେଲମେଟ୍ ପିନ୍ଧିନଥିବା ବାଇକ ଚାଳକଙ୍କୁ ମାଗଣାରେ ହେଲମେଟ୍ ପ୍ରଦାନ କରୁଛି ପୋଲିସ । ଏହା ବଦଳରେ ଆଇନ ଉଲଙ୍ଘନକାରୀ ଗଣୁଛନ୍ତି ୫୦୦ଟଙ୍କା ଫାଇନ।
କେବଳ ଜନସାଧାରଣଙ୍କ ସୁରକ୍ଷା ଦୃଷ୍ଟିରୁ ଏଭଳି ସଚେତନତା କରାଯାଉଥିବା କହିଛନ୍ତି ଟ୍ରାଫିକ ଡିସିପି । ଏବେ ୫ଟି ଦିଗ ଉପରେ ଗୁରୁତ୍ବ ଦିଆଯାଉଥିବା ବେଳେ ତିନିମାସ ପରେ ଉଲଙ୍ଘନକାରୀଙ୍କୁ ନୂଆ ନିୟମ ଅନୁସାରେ ମାଫ୍ ନାହିଁ ବୋଲି କଡା ତାଗିଦ କରିଛି କମିସନରେଟ ପୋଲିସ।
ତେବେ ନୂତନ ମୋଟରଯାନ ନିୟମ ଅନୁସାରେ ଫାଇନ ପରିମାଣ ୧୦୦୦ ଟଙ୍କାରୁ ଆରମ୍ଭ ହୋଇଥିବା ବେଳେ ଲୋକଙ୍କ ବିରୋଧକୁ ଦୃଷ୍ଟିରେ ରଖି ଏହାକୁ କୋହଳ କରାଯାଇଛି । ସଚେତନତାକୁ ଦୃଷ୍ଟିରୁ ରଖି ଓଡିଶା ଅର୍ବାନ ପୋଲିସ ଆକ୍ଟ ଅନୁଯାୟୀ ପାଞ୍ଚ ଶହ ଟଙ୍କା ଫାଇନ ଆଦାୟ କରୁଛି କମିସନରେଟ ପୋଲିସ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
