ଭୁବନେଶ୍ବର: ରାଜଧାନୀରେ ପୁଣିଥରେ ମାତିଲେ ଏଟିଏମ ଲୁଟେରା । କମିସନରେଟ ପୋଲିସକୁ ଖୋଲା ଚ୍ୟାଲେଞ୍ଜ ଦେଇ ଏଟିଏମ ତାଡି ଲୁଟିନେଲେ ଟଙ୍କା। ତେବେ କେତେ ପରିମାଣର ଟଙ୍କା ଲୁଟ ହୋଇଛି ତାହା ସ୍ପଷ୍ଟ ହୋଇନାହିଁ।
ଏମିତି ଏକ ଘଟଣା ଘଟିଛି ନନ୍ଦନକାନନ ଗେଟ ନମ୍ବର 2ରେ । ଟୁରିଷ୍ଟ ପଏଣ୍ଟରେ ଥିବା ପଞ୍ଜାବ ନ୍ୟାସନାଲ ବ୍ୟାଙ୍କର ଏଟିଏମ ତାଡି ଲୁଟିନେଇଛନ୍ତି ଲୁଟେରା । ଯାହା ଏବେ ପୋଲିସର ଚିନ୍ତା ବଢାଇ ଦେଇଛି। କାରଣ ରାଜଧାନୀର ସୁରକ୍ଷା ନିଶ୍ଚିତ କରିବା ପାଇଁ ପୋଲିସ ପଦକ୍ଷେପ ନେଉଥିବା ବେଳେ ଏକ ସର୍ବସାଧାରଣ ଟୁରିଷ୍ଟ ପଏଣ୍ଟରେ ଥିବା ଏଟିଏମ ତାଡିନେବା ଏବେ ପୋଲିସର ଦକ୍ଷତାକୁ ନେଇ ପ୍ରଶ୍ନ ଉଠିଛି। ଯେଉଁଭଲି ଭାବେ ଏଟିଏମ ତାଡିଛନ୍ତି ସେଥିରୁ ସ୍ପଷ୍ଟ ହେଉଛି ଏହା ପେସାଦାର ଲୁଟେରାଙ୍କ କାରନାମା ହୋଇଥାଇପାରେ।
ନନ୍ଦନକାନନ ଟିକେଟ କାଉଣ୍ଟର ପଛପଟେ ଏପରି ଘଟଣା ଘଟିଥିଲେ ମଧ୍ୟ ସିସିଟିଭ କାମ କରୁନଥିବାରୁ ପୋଲିସ ପାଇଁ ଚ୍ୟାଲେଞ୍ଜ ହୋଇପଡିଛି । ଲୁଟେରା ଏଟିଏମ ତାଡି ଲୁଟକରି ସିସିଟିଭି ସହ ହାର୍ଡଡିକ୍ସ ମଧ୍ୟ ନେଇ ପଳାଇଛନ୍ତି । ଯାହା ପୋଲିସ ପାଇଁ ଆହୁରି ସମସ୍ୟା ସୃଷ୍ଟି କରିଛି ଘଟଣା ତଦନ୍ତ କରିବା ପାଇଁ । ତେବେ କମିସନରେଟ ପୋଲିସ ପ୍ରଯୁକ୍ତି ବିଦ୍ୟାକୁ କିଭଳି ଉପଯୋଗ କରି ଘଟଣାର ପର୍ଦ୍ଦାଫାଶ କରୁଛି ଓ ଲୁଟେରାଙ୍କୁ ଧରୁଛି ଏବେ ତାକୁ ଅପେକ୍ଷା।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
