ଭୁବନେଶ୍ବର: ଓଡିଶା କ୍ରିକେଟ ଆସୋସିଏସନ (ଓସିଏ)ର ପୂର୍ବତନ ସଂପାଦକ ଆଶୀର୍ବାଦ ବେହେରା ଅସୁସ୍ଥ । ଫଳରେ ତାଙ୍କୁ ଝାରପଡା ଜେଲରୁ କ୍ୟାପିଟାଲ ହସ୍ପିଟାଲରେ ନିଆଯାଇଛି । ତେବେ ଆଶୀର୍ବାଦ ହସ୍ପିଟାଲରେ ଭର୍ତ୍ତି ହେବା ପରେ ଓସିଏ ନିର୍ବାଚନର ରୂପରେଖ ନୂଆ ମୋଡ ନେବ ବୋଲି ଚର୍ଚ୍ଚା ହେଉଛି ।
ତେବେ ଆଶୀର୍ବାଦଙ୍କ ଅଣ୍ଟା ଓ ଆଣ୍ଠୁ ସହ ଉଚ୍ଚ ରକ୍ତଚାପ ଯୋଗୁଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ରହିଛି । କ୍ୟାପିଟାଲ ହସ୍ପିଟାଲର ୧୬ ନମ୍ବର କେବିନରେ ଅବଜରଭେସନରେ ତାଙ୍କୁ ରଖାଯାଇଛି । ତେବେ ଆବଶ୍ୟକ ପଡିଲେ ତାଙ୍କୁ କଟକ ସ୍ଥାନାନ୍ତର କରାଯିବାର ସୂଚନା ରହିଛି ।
ତେବେ ଆଶୀର୍ବାଦ ବେହେରା ଅର୍ଥତତ୍ବ ଚିଟଫଣ୍ଡ ଲିଙ୍କରେ ସିବିଆଇ ଦ୍ବାରା ଗିରଫ ହୋଇଥିଲେ । ପରେ ତାଙ୍କ ଜାମିନ ନାମଞ୍ଜୁର ହେବାରୁ ଝାରପଡା ଜେଲକୁ ପଠାଇ ଦିଆଯାଇଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
