ଭୁବନେଶ୍ବର: ଲକଡାଉନ ବେଳେ ଅତ୍ୟାବଶ୍ୟକ କର୍ମଚାରୀଙ୍କୁ ଭ୍ରମଣ ପାଇଁ ମିଳିବ ଅନୁମତି । କମିସନରେଟ ପୋଲିସର ନିର୍ଦ୍ଦେଶ ପରେ ଡିସିପି ଅଫିସରେ ଅନୁମତି ପାଇ ଲାଗିଲା ଗହଳି । ଭିଡ଼କୁ ଦୃଷ୍ଟିରେ ରଖି ଡିସିପି ଅଫିସ ନଆସିବାକୁ ଅନୁରୋଧ କଲେ ଖୋଦ ଡିସିପି ଉମାଶଙ୍କର ଦାସ । ସମ୍ପୃକ୍ତ ସଂସ୍ଥା ନିଜର କର୍ମଚାରୀଙ୍କୁ ପରିଚୟ ପତ୍ର ସହ ସେମାନଙ୍କର ରହଣି ସ୍ଥଳ ଓ ଅଫିସ ପର୍ଯ୍ୟନ୍ତ ଯିବା ଆସିବା ପାଇଁ ଅନୁମତି ପତ୍ର ଦିଆଯିବ । ଯେଉଁ କର୍ମଚାରୀଙ୍କୁ ଅନୁମତି ଦିଆଯିବ ସେମାନଙ୍କର ତଥ୍ୟ କମିସନରେଟ ପୋଲିସକୁ ଡିସିପି ବିବିଏସଆରରେ ମେଲ କରିବାକୁ ଅନୁରୋଧ କରାଯାଇଛି ।
ଅଯଥାରେ ଅଫିସ ଆସି ଗହଳି ନକରି ମେଲ୍ ଜରିଆରେ ତଥ୍ୟ ପଠାଇବାକୁ କହିଲେ ଡିସିପି । ତେବେ ପରିଚୟ ପତ୍ର ଅପବ୍ୟବହାର କରି ଅନେକ ଅମାନିଆ ବୁଲିବାର ଦେଖିବାକୁ ମିଳିଥିଲା । ଏଥିପାଇଁ ଆଇଟି କର୍ପୋରେଟ ବ୍ୟାଙ୍କିଂ ସେକ୍ଟର ସମେତ ଅତ୍ୟାବଶ୍ୟକରେ ନିୟୋଜିତ କର୍ମଚାରୀଙ୍କ ଲକଡାଉନ ସମୟରେ ଚଳପ୍ରଚଳ ପାଇ ଅନୁମତି ନେବାକୁ ନିର୍ଦେଶ ଦିଆଯାଇଥିଲା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
