ଭୁବନେଶ୍ବର: ଦ୍ରୌପଦୀ ମୁର୍ମୁ ଏନଡିଏର ରାଷ୍ଟ୍ରପତି ପ୍ରାର୍ଥୀ ଭାବେ ଘୋଷଣା ହେବା ନେଇ ପ୍ରତିକ୍ରିୟା ରଖିଛନ୍ତି ସାଂସଦ ଅପରାଜିତା ଷଡଙ୍ଗୀ । ଜଣେ ଓଡ଼ିଆ ଭାବରେ ଗର୍ବ ଅନୁଭବ କରିବା ସହ ଦେଶର ସମସ୍ତ ଦଳ ନିଶ୍ଚୟ ଭାବେ ଏହାକୁ ସମର୍ଥନ କରିବା ଦରକାର ବୋଲି ସେ କହିଛନ୍ତି । ଏନେଇ ନରେନ୍ଦ୍ର ମୋଦିଙ୍କୁ ସେ ଧନ୍ୟବାଦ ଜଣାଇଛନ୍ତି ।
ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ନେଇ ପ୍ରତିକ୍ରିୟା ରଖିଲେ ଅପରାଜିତା ଷଡ଼ଙ୍ଗୀ
ପୂର୍ବତନ ମନ୍ତ୍ରୀ ଦ୍ରୌପଦୀ ମୁର୍ମୁ ଆଗରୁ ୨ଥର ବିଧାୟିକା ରହିବା ସହିତ ଝାଡ଼ଖଣ୍ଡର ରାଜ୍ୟପାଳ ମଧ୍ୟ ରହିଥିଲେ । କାଉନ୍ସିଲରରୁ ରାଷ୍ଟ୍ରପତି ଯାଏଁ ତାଙ୍କର ଯାତ୍ରା ଆଦିବାସୀଙ୍କ ପାଇଁ ଗର୍ବର କଥା ବୋଲି ମତ ପ୍ରକାଶ କରିଛନ୍ତି ଭୁବନେଶ୍ବର ସାଂସଦ । ମୟୂରଭଞ୍ଜର ଜଣେ ଆଦିବାସୀ ମହିଳାଙ୍କୁ ରାଷ୍ଟ୍ରପତି ପଦ ପାଇଁ ପ୍ରାର୍ଥୀ କରି ନରେନ୍ଦ୍ର ମୋଦି ବାର୍ତ୍ତା ଦେଇଛନ୍ତି ଯେ ସେ ସମସ୍ତଙ୍କ ସହିତ ଅଛନ୍ତି । ଦେଶର କୋଣ ଅନୁକୋଣର ଆଦିବାସୀ ବଡ଼ ପଦପଦବୀରେ ରୁହନ୍ତୁ ବୋଲି ପ୍ରଧାନମନ୍ତ୍ରୀ ଚାହୁଁଥିବା କହିଛନ୍ତି ଅପରାଜିତା ।
ଇଟିଭି ଭାରତ, ଭୁବନେଶ୍ବର
