ଭୁବନେଶ୍ବର: ଜାତୀୟ ଡ୍ରାଫ୍ଟ ଏଜୁକେସନ ପଲିସି ୨୦୧୯କୁ ମାନସମନ୍ଥନ କରିଛି ଉଚ୍ଚଶିକ୍ଷା ବିଭାଗ । ଏନେଇ ବିଭାଗ ପକ୍ଷରୁ ଏକ ରାଜ୍ୟସ୍ତରୀୟ ପରାମର୍ଶଦାତା କର୍ମଶାଳା ଆୟୋଜିତ ହୋଇଯାଇଛି । ଉଚ୍ଚଶିକ୍ଷା ମନ୍ତ୍ରୀ ଅଧ୍ୟକ୍ଷତାରେ ଆୟୋଜିତ କର୍ମଶାଳାରେ ଯୋଗ ଦେଇଥିଲେ ବିଭିନ୍ନ ବିଶ୍ବବିଦ୍ୟାଳୟର କୁଳପତି, ଅଭିଭାବକ, ଶିକ୍ଷାବିତ ଓ ଅଧ୍ୟକ୍ଷ ।
ଏଥିରେ ଏଜୁକେସନ ପଲିସିରେ ଥିବା ଉଚ୍ଚଶିକ୍ଷା ବିଭାଗର ଗୁରୁତ୍ୱପୂର୍ଣ୍ଣ କାର୍ଯ୍ୟଧାରା, ଉନ୍ନୟନ ଓ ବିଭାଗରେ ଆବଶ୍ୟକୀୟ ସଂସ୍କାରକୁ ଦୃଷ୍ଟିରେ ରଖି ବିଭିନ୍ନ ପ୍ରକାର ଆଲୋଚନା ହୋଇଥିଲା । ଏହା ସହ ନିର୍ଦ୍ଧାରିତ ସମୟ ମଧ୍ୟରେ ବିଭାଗ ପକ୍ଷରୁ କେନ୍ଦ୍ରକୁ ପ୍ରସ୍ତାବ ଦିଆଯିବ ବୋଲି ନିଷ୍ପତ୍ତି ହୋଇଛି ।
ଏହି ସମ୍ମିଳନୀରେ ରାଜ୍ୟରେ ଶିକ୍ଷା ବିଭାଗରେ ଥିବା ବିଭିନ୍ନ ଶିକ୍ଷାନୁଷ୍ଠାନର ଭିତ୍ତିଭୂମି, ଅଟୋନୋମିର ପ୍ରାଧାନ୍ୟ, ଶିକ୍ଷକ ମାନଙ୍କ ପ୍ରୋବେଶନ ବ୍ୟବସ୍ଥା, ଆଫିଲେସନ ସିଷ୍ଟମ, ପ୍ରତ୍ୟେକ କଲେଜକୁ ଡିଜିଟାଇଜେସନ ନେଇ ହୋଇଥିଲା ଆଲୋଚନା ।
ଚଳିତ ନ୍ୟାସନାଲ ଡ୍ରାଫ୍ଟ ଏଜୁକେସନ ପଲିସିରେ ଶିକ୍ଷାର କେନ୍ଦ୍ରୀକରଣ, ବ୍ୟବସାୟୀକରଣ, ଘରୋଇକରଣ, ସଂପ୍ରଦାୟୀକରଣ ହୋଇଛି । ସମ୍ବିଧାନକୁ ଉପେକ୍ଷା କରାଯାଇଛି । ଶିକ୍ଷା ଡ୍ରାଫ୍ଟ ପଲିସି ନେଇ ପ୍ରଧାନମନ୍ତ୍ରୀଙ୍କୁ ଦାବିପତ୍ର ଦିଆଯାଇଥିଲା ତାହାକୁ ସେ ଗ୍ରହଣ କଲେନାହିଁ । ରାଜ୍ୟକୁ ଜୁଲାଇ ୧୫ ସୁଦ୍ଧା ମତାମତ ମଗାଯାଇଛି । ପଲିସିକୁ ତରବରିଆ ଭାବେ ନ କରି ପୁନର୍ବାର ଆଲୋଚନା କରାଯାଉ ବୋଲି ୱାଲର୍ଡ ଫେଡରେସନ ଅଫ ଟିଚର ଆସୋସିଏସନର ସମ୍ପାଦକ ଅମୀୟ କୁମାର ମହାନ୍ତି କହିଛନ୍ତି।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
