ଭୁବନେଶ୍ବର: ଚାଇନାରେ ଓଡିଆ ବୋହୁଙ୍କ କମାଲ୍ । ମିସେସ୍ ୟୁନିଭର୍ସ-2019ର ମୁକୁଟ ପିନ୍ଧିଛନ୍ତି ଓଡିଆ ବୋହୁ ଅମିତା ପଣ୍ଡା । ସେ ଆଇଟି ସେକ୍ଟରରେ କାମ କରୁଥିବା ବେଳେ ତାଙ୍କ ସ୍ବାମୀ ଜଣେ ଡାକ୍ତର ।
ସେ ପ୍ରଥମେ 2018ରେ ମିସେସ ଇଣ୍ଡିଆ ଗ୍ୟାଲେକ୍ସିର ଆୱାର୍ଡ ପାଇଥିବା ବେଳେ 2019 ମାର୍ଚ୍ଚରେ ସେଣ୍ଟ୍ରାଲ ଏସିଆ ପାସିଫିକ୍ ୟୁନିଭର୍ସ-2019ର ତାଜ୍ ମଧ୍ୟ ପିନ୍ଧିଥିଲେ । ପ୍ରାୟ 90 ପ୍ରତିଯୋଗୀଙ୍କ ମଧ୍ୟରେ 29 ଡିସେମ୍ବର 2019ରେ ମିସେସ୍ ୟୁନିଭର୍ସର କ୍ରାଉନ ପିନ୍ଧିଛନ୍ତି ସେ ।
ପ୍ରଥମ ଥର କୌଣସି ଭାରତୀୟ ଏହି ସମ୍ମାନରେ ସମ୍ମାନିତ ହୋଇଛନ୍ତି । ଅମିତାଙ୍କୁ ଏଥିପାଇଁ ପ୍ରସ୍ତୁତ କରିଥିଲେ ଭାଇବ୍ରାଣ୍ଟ କନସେପ୍ଟର ମେଣ୍ଟର ତଥା ନିର୍ଦ୍ଦେଶକ ଗିନି କପୁର । ଗିନି କପୁର ମଧ୍ୟ ଚାଇନାରେ ଏହି ଶୋ'ର ନିର୍ଦ୍ଦେଶକ ଥିଲେ । ଅମିତା ଆଗକୁ ମହିଳାଙ୍କ ସମସ୍ୟା, ସ୍ବଚ୍ଛତା ଉପରେ କାମ କରିବା ସହ ବିଭିନ୍ନ ରାମ୍ପ୍ ଶୋ' ଓ ବ୍ରାଣ୍ଡ ପ୍ରଡକ୍ଟ ପାଇଁ ମଡେଲିଂ କରିବାକୁ ଚାହାଁନ୍ତି । ସେ ଏବେ ବିଦେଶରେ ଥିବା ବେଳେ ଖୁବ ଶୀଘ୍ର ସେ ଓଡିଶା ଫେରିବେ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
