ଭୁବନେଶ୍ବର : ଆମ୍ବୁଲାନ୍ସ ଯିବାକୁ ମିଳୁନି ବାଟ । ଦୁଇଟି ଦୁଇଟି ଆମ୍ବୁଲାନ୍ସ ରାସ୍ତାରେ ଫସିରହିଛି । ଏମିତି ଦୃଶ୍ୟ କଏଦ ହୋଇଛି ଇଟିଭି ଭାରତ କ୍ୟାମେରାରେ । ଯେଉଁଠି ଟ୍ରାଫିକ କର୍ମଚାରୀ ବି ଆମ୍ବୁଲାନ୍ସକୁ ବାଟଦେବାକୁ ଅସମର୍ଥ ହୋଇପଡିଛନ୍ତି । ଆମ୍ବୁଲାନ୍ସରେ ରୋଗୀ ଥାଇ ସାଇରନ ମାରୁଥିବା ସତ୍ତ୍ବେ ଟ୍ରାଫିକ ଜାମ ଯୋଗୁଁ ଆଗକୁ ଯିବା ମୁସକିଲ୍ ହେଉଛି ।
ଗୋଟିଏ ସାମନ୍ତରାପୁରରୁ ରବିଟକିଜ ଛକ ଆଡକୁ ଆସୁଥିବା ଆମ୍ବୁଲାନ୍ସ ଓ ଅନ୍ୟଟି ରବିଟକିଜ ଛକରୁ ସାମନ୍ତରାପୁର ପଟକୁ ଯାଉଥିବାର ସମୟର ଦୃଶ୍ୟ କଏଦ ହୋଇଛି । ତେବେ ଯେଉଁଠି ଆମ୍ବୁଲାନସକୁ ବାଟ ମିଳିବା ମୁସକିଲ ସେଠି ସାଧାରଣ ଲୋକ ଅଫିସ ହେଉ ବା ଜରୁରି କାମରେ ବ୍ରିଜ କାମ ପାଇଁ ଫସିରହୁଛନ୍ତି ।
ଅନ୍ୟପକ୍ଷେ ବଡବଡିଆ ଯିବାଙ୍କ ପାଇଁ ପୋଲିସ ରାସ୍ତା କଢାଇନେଉଥିବା ବେଳେ ସାଧାରଣ ଲୋକ କିନ୍ତୁ ଅଟକି ରହୁଛନ୍ତି । ଏଭଳି ସ୍ଥିତିରେ ବ୍ରିଜ କାମ ଚାଲୁ ରଖିଥିବା ଆର ଆଣ୍ଡ ବି ର ଅଧିକାରି ଓ କମିସନରେଟ ପୋଲିସ ଏଥିପ୍ରତି ଦୃଷ୍ଟି ଦେବା ହୋଇଛି ଅତ୍ୟନ୍ତ ଜରୁରୀ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
