ଭୁବନେଶ୍ବର: ବିଭିନ୍ନ ଜିଲ୍ଲାରେ ରହିଥିବା ପାଠାଗାର କେଉଁ ବିଭାଗ ଅଧିନରେ ରହିଛି? ଯଦିଓ ଏହା ସଂସ୍କୃତି ବିଭାଗ ଅଧିନରେ ଆସୁଛି, କିନ୍ତୁ ବିଧାନସଭାରେ ଚାଲିଥିବା ପ୍ରଶ୍ନକାଳରେ ଶାସକ ଓ ବିରୋଧୀ ବିଧାୟକ ଏନେଇ ପ୍ରଶ୍ନ କରିଥିଲେ । ସଂସ୍କୃତି ମନ୍ତ୍ରୀ ଏହାର ଉତ୍ତର ରଖିବା ବଦଳରେ ସୂଚନା ଓ ଲୋକ ସମ୍ପର୍କ ମନ୍ତ୍ରୀ ଏହି ଉତ୍ତର ରଖିଥିଲେ । ଯାହାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।
ପାଠାଗାର କାହାର ?
ପାଠାଗାର ଯଦି ସଂସ୍କୃତି ବିଭାଗ ଅଧିନରେ ଯାଉଛି, ତାହାଲେ କାହିଁକି ସୂଚନା ଓ ଲୋକସମ୍ପର୍କ ମନ୍ତ୍ରୀ ଏହାର ଉତ୍ତର ରଖୁଛନ୍ତି ବୋଲି ପ୍ରଶ୍ନ କରିଥିଲେ ସଭ୍ୟ ।
ପୁରୀର ରଘୁନନ୍ଦନ ପାଠାଗାର ବ୍ରିଟିଶ ଅମଳରୁ ଏମାର ମଠରେ ରହିଆସିଛି । ଏହାକୁ ସୌନ୍ଦର୍ଯ୍ୟକରଣ ପାଇଁ କଣ କରାଯାଇଛି । ଏହାର ପୁସ୍ତକ ସବୁ କେଉଁଠି ଅଛି ? କେବେ ଏହି ପାଠାଗାର ତିଆରି ହେବ ? କେଉଁଠି ହେବ ? ଏଥିପାଇଁ କେତେ ଟଙ୍କା ଅନୁଦାନ ଦିଆଯାଇଛି ବୋଲି ପ୍ରଶ୍ନ କରିଥିଲେ ଶାସକ ଦଳ ବିଧାୟକ ପ୍ରଦୀପ ମହାରଥୀ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
