ଭୁବନେଶ୍ବର: ସୀମା ଟପିଲେ ଯୁବକ । ନକଲି ଡାକ୍ତର ସାଜି ବ୍ୟାଙ୍କରୁ ଉଠାଇଲେ ଋଣ । ନକଲି କାଗଜ ପତ୍ର ଓ ନକଲି ପରିଚୟ ପତ୍ର ଦେଇ ବ୍ୟାଙ୍କକୁ ଲଗାଇଲେ ଚୁନ । ଆଉ ଚୁନ ଲଗାଇଥିବା ଟଙ୍କାରେ ଦାମି କାର କିଣି ଫସିଲେ ଯୁବକ । ଏମିତି ଢଙ୍ଗରେ ଠକେଇ କରିଥିବ ଜଣେ ଠକକୁ ଗିରଫ କରିଛି କମିସନରେଟ ପୋଲିସ ।
କଟକ ସଦର ଥାନା ଅନ୍ତର୍ଗତ ଗୋପାଳପୁର ପାଇକ ସାହିର ସିଦ୍ଧାର୍ଥ ସ୍ବୟଂ ରାଉତ କୁ ଗିରଫ କରିଛି ପୋଲିସ । ନକଲି ଡାକ୍ତର ରିପୋର୍ଟ ସହ ନକଲି ଡକୁମେଣ୍ଟ ଓ ନକଲି ଷ୍ଟାମ୍ପ ଜବତ କରିଛି ନୟାପଲୀ ଥାନା ପୋଲିସ । ସୂଚନା ମୁତାବକ ୪ମାସ ତଳେ ନୟାପଲୀ ଥାନା ବ୍ୟାଙ୍କ ଅଫ ବରୋଦାରୁ ଏମସ ଡାକ୍ତର କହି ୨୦ ଲକ୍ଷ ରଣ ନେଇଥିଲେ । ପରେ ସେହି ଟଙ୍କାରେ ଦାମୀ କାର କିଣି ଆଉ ରଣ ଟଙ୍କା ଦେଉନଥିଲେ । ଏପରିକି ପ୍ରଥମ କିସ୍ତିରୁ ଚେକ ବାଉନସ ହେଉଥିଲେ ବି ଟଙ୍କା ଦେଉନଥିଲେ ଏବଂ ବ୍ୟାଙ୍କର ନୋଟିସର ଉତ୍ତର ରଖୁନଥିଲେ ।ଏନେଇ ଥାନାରେ ଅଭିଯୋଗ ପରେ ଗିରଫ କରିଛି ପୋଲିସ ।
ଭବୁନେଶ୍ବରରୁ ତାପସ ପରିଡ଼ା, ଇଟିଭି ଭାରତ
