ଭୁବନେଶ୍ବର: ଶେଷ ହୋଇଛି ମହାପ୍ରଭୁ ଜଗନ୍ନାଥଙ୍କ ନବଦିନାତ୍ମକ ଯାତ୍ରା। ଅନେକ ଚକାପଞ୍ଝା, ବାଦବିବାଦ ପରେ ସୁରୁଖୁରୁରେ ସମ୍ପନ୍ନ ହୋଇଛି ରଥଯାତ୍ରା। ଏନେଇ ସମସ୍ତଙ୍କୁ ଧନ୍ୟବାଦ ଦେଇଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେ ଏନେଇ ଟ୍ବିଟରରେ ଉଲ୍ଲେଖ କରିଛନ୍ତି ।
କେନ୍ଦ୍ରମନ୍ତ୍ରୀ ଶଙ୍କରାଚାର୍ଯ୍ୟ, ଗଜପତି ମହାରାଜା ଦିବ୍ୟସିଂହ ଦେବ, ପୁରୀବାସୀ, ସେବାୟତ, ଛତିଶା ନିଯୋଗ, ମନ୍ଦିର ପ୍ରଶାସନ ସମସ୍ତଙ୍କୁ ଧନ୍ୟବାଦ ଦେଇଛନ୍ତି। ରଥଯାତ୍ରା, ସୁନାବେଶ, ବାହୁଡା, ଅଧରପଣା ନୀତି ସୁରୁଖୁରୁରେ ସମ୍ପନ୍ନ ହୋଇଛି। ଭକ୍ତଶୂନ୍ୟ ଭାବରେ ସମସ୍ତ ନୀତିକାନ୍ତି ହୋଇଥିଲେ ମଧ୍ୟ ଗଣମାଧ୍ୟମ ଓ ସୋସିଆଲ ମିଡିଆ ଜରିଆରେ କୋଟି କୋଟି ଭକ୍ତ ଏହାକୁ ଦେଖିବାର ସୁଯୋଗ ପାଇଛନ୍ତି ବୋଲି ସେ ଟ୍ବିଟରରେ ଉଲ୍ଲେଖ କରିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
