ଆଜିଠୁ ସ୍କୁଲରେ ଆରମ୍ଭ ହେବ ନାମଲେଖା

ଆଜିଠୁ ରାଜ୍ୟର ବିଭିନ୍ନ ସ୍କୁଲରେ ନାମଲେଖା କାର୍ଯ୍ୟ ଆରମ୍ଭ ହେବ । ସକାଳ 7ଟାରୁ 9ଟା 30 ମଧ୍ୟରେ ଛାତ୍ରଛାତ୍ରୀଙ୍କ ନାମ ଲେଖାଇପାରିବେ ଅଭିଭାବକ ।

ଭୁବନେଶ୍ବର: ଆଜିଠୁ ରାଜ୍ୟର ବିଭିନ୍ନ ସ୍କୁଲରେ ନାମଲେଖା କାର୍ଯ୍ୟ ଆରମ୍ଭ ହେବ । ସକାଳ 7ଟାରୁ 9ଟା 30 ମଧ୍ୟରେ ଛାତ୍ରଛାତ୍ରୀଙ୍କ ନାମ ଲେଖାଇପାରିବେ ଅଭିଭାବକ । ଗୋଟିଏ ସମୟରେ 5 ଜଣରୁ ଅଧିକ ଅଭିଭାବକଙ୍କୁ ସ୍କୁଲକୁ ଆସିବାକୁ ଦିଆଯିବନି ଅନୁମତି ।

ରାଜ୍ୟର ବିଦ୍ୟାଳୟ ଓ ଗଣଶିକ୍ଷା ବିଭାଗ ଅଧିନରେ ଥିବା ସମସ୍ତ ସରକାରୀ ବିଦ୍ୟାଳୟ, ଅଣ ଅନୁଦାନପ୍ରାପ୍ତ ବିଦ୍ୟାଳୟ, ମାଦ୍ରାସା ଓ ସଂସ୍କୃତ ଟୋଲରେ ନାମଲେଖା ଆରମ୍ଭ କରାଯିବ । ତେବେ ନାମଲେଖା ସମୟରେ ମାସ୍କ ପିନ୍ଧିବା ସହ ସାମାଜିକ ଦୂରତା ବଜାୟ ରଖିବେ ଅଭିଭାବକ ।

ସେହିପରି ନାମଲେଖା ପ୍ରକ୍ରିୟା ଜୁଲାଇ 15 ତାରିଖ ସୁଦ୍ଧା ଶେଷ କରାଯିବ ବୋଲି ସୂଚନା ମିଳିଛି ।