କାନପୁର: ଓଡାଶାର ଜଣେ ନାବାଳିକାକୁ ମଣିଷ ଚାଲାଣକାରୀ ମଳିଳା କବଳରୁ ବଞ୍ଚାଇଛି କାନପୁର ପୋଲିସ । 17 ବର୍ଷିୟ ଏହି ନାବାଳିକାର ଘର କଳାହାଣ୍ଡି ଜିଲ୍ଲାର ବୋଲି ସୂଚନା ମିଳିଛି । ନାବାଳିକାର ନିଖୋଜ ହେବା ନେଇ ପରିବାର ଲୋକେ ଧର୍ମଗଡ ଥାନାରେ ଏତଲା ଦାଏର କରିଥିଲେ ।
ପୋଲିସର ସୂଚନା ଅନୁଯାୟୀ ସାଇବର ସେଲ ଜରିଆରେ ନାବାଳିକାର ମୋବାଇଲ ଫୋନ ଟ୍ରାକ କରାଯିବା ପରେ ସେ ନଦିଆରେ ଥିବା ଜଣାପଡିଥିଲା । ଏହାପରେ ପୋଲିସର ଏକ ଟିମ ଆରମ୍ଭ କରିଥିଲା ଛାନଭିନ । ସେତେବଳେକୁ ଅଭିଯୁକ୍ତ ମହିଳା ନାବାଳିକାକୁ ନେଇ ଟ୍ରେନରେ ରାଜସ୍ଥାନ ଯାଇସାରିଥିଲା । 27 ସେପ୍ଟେମ୍ବରରେ ରେଳବାଇ ସୁରକ୍ଷାବଳକୁ ମହିଳାକୁ କାନପୁରରେ ଧରିବାରେ ସଫଳ ହୋଇହେବା ସହ ନାବାଳିକାକୁ ଉଦ୍ଧାର କରିଥିଲା ।
ପ୍ରାଥମିକ ତଦନ୍ତରୁ ଜଣାପଡିଛି ଯେ ମହିଳା ଜଣକ ମଣିଷ ଚାଲାଣକାରୀ ହୋଇଥିବା ବେଳେ ସେ ଏହି ନାବାଳିକାକୁ ବେଶ୍ୟାବୃତ୍ତିରେ ଲଗାଇବାକୁ ଚାହୁଁଥିଲା । ତେବେ ଘଟଣାରେ ତଦନ୍ତ ଜାରି ରଖିଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
