ଭୁବନେଶ୍ବର: ଫାୟାର ଷ୍ଟେସନ ଛକରେ ଅଘଟଣ । ମାନସିକ ବିକାରଗ୍ରସ୍ତକୁ ଧକ୍କା ଦେବା ପରେ ଚଢାଇ ଦେଲା ବସ। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ସକାଳ ପ୍ରାୟ ୮ଟା ସମୟରେ ଘଟଣା ଘଟିଥିଲା । ପରେ ତାଙ୍କୁ ହସପିଟାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ରାଜଧାନୀରେ ହିଟ ଆଣ୍ଡ ରନ : ମାନସିକ ବିକାରଗ୍ରସ୍ତକୁ ଚଢାଇଦେଲା ବସ
କିଛି ପ୍ରତ୍ୟକ୍ଷଦର୍ଶୀ ଏଭଳି ଘଟଣା ପରେ ପୋଲିସକୁ ଖବର ଦେଇଥିଲେ। ଏନେଇ ପୋଲିସ ଖବର ପାଇ ତଦନ୍ତ ଆରମ୍ଭ କରିଛି। ବସ ଡ୍ରାଇଭ ଦୁର୍ଘଟଣା ଘଟାଇ ସେଠାରୁ ଫେରାର ହୋଇଯାଇଥିବା ସୂଚନା ମିଳିଛି। ଏନେଇ ପୋଲିସ ତଦନ୍ତ ଚଳାଇଛି ସମ୍ପୃକ୍ତ ବସ ଡ୍ରାଇଭରଙ୍କୁ ଖୋଜୁଛି। ତେବେ ଫାୟାର ଷ୍ଟେସନ ଛକରେ ଥିବା ଓଭରବ୍ରିଜ ତଳେ ଏପରି ଘଟଣା ଘଟିଛି । ମାନସିକ ବିକାର ଗ୍ରସ୍ତ ଲୋକଟି ଓଭରବ୍ରିଜ ତଳେ ଥିବାବେଳେ ଘଟଣାଟି ଘଟିଥିଲା ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
