ଭୁବନେଶ୍ବର: ଖୁବ ଶୀଘ୍ର ଉନ୍ମୋଚନ ହେବ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ଦୁଃସାହସିକ ଜୀବନ ଉପରେ ଆଧାରିତ ପୁସ୍ତକ 'ଆଡ଼ଭେଞ୍ଚର୍ସ ଅଫ ଦି ଡେଆରଡେଭିଲ ଡେମୋକ୍ରାଟ ' । ବିଜୁବାବୁଙ୍କ 104 ତମ ଜନ୍ମଜୟନ୍ତୀ ଉପଲକ୍ଷେ ମାର୍ଚ୍ଚ 6 ତାରିଖରେ ଏହି ପୁସ୍ତକଟିକୁ ଉନ୍ମୋଚନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମଙ୍ଗଳବାର ଭୁବନେଶ୍ବରରେ କଳିଙ୍ଗ ଫାଉଣ୍ଡେସନ ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଛନ୍ତି କଳିଙ୍ଗ ଫାଉଣ୍ଡେସନର ସଭ୍ୟ ତଥା ବିଧାୟକ ଅତନୁ ସବ୍ୟସାଚୀ ନାୟକ ।
ଦିଲ୍ଲୀ କ୍ରିଏଟିଭ ୱାର ହାଉସ ପ୍ରକାଶନୀ ପକ୍ଷରୁ ପ୍ରକାଶିତ ଏହି ପୁସ୍ତକ ବିଜୁ ବାବୁଙ୍କ ଜୀବନର ଅନେକ ଘଟଣା ସ୍ଥାନ ପ୍ରକାଶ ପାଇଛି । ଲୋକାର୍ପଣ ଉତ୍ସଵରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର, ବରିଷ୍ଠ ବିଜେପି ନେତା କନକ ବର୍ଦ୍ଧନ ସିଂହଦେଓ ପ୍ରମୁଖ ଉପସ୍ଥିତ ରହିବେ । ଉକ୍ତ ପୁସ୍ତକରେ ଛାତ୍ରଛାତ୍ରୀଙ୍କୁ ଅନୁପ୍ରାଣିତ କରିବା ଲାଗି ଚିତ୍ରକଥା ଶୈଳୀରେ ବିଜୁବାବୁଙ୍କ ଦୁଃସାହସିକ ଜୀବନ କାହାଣୀ ରହିଛି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
