ଭୁବନେଶ୍ବର: ରାଜ୍ୟରେ ଦିନକୁ ଦିନ ବ୍ରାଉନସୁଗାର କାରବାର ବଢି ଚାଲିଥିବାବେଳେ ଏହା ଉପରେ ତୀକ୍ଷ୍ନ ନଜର ରଖିଛି ଏସଟିଏଫ । 5 ଦିନରେ ତିନୋଟି ସ୍ଥାନରୁ 9 ଡ୍ରଗ୍ସ ବେପାରୀଙ୍କୁ ଗିରଫ କରିଛି ଏସଟିଏଫ। ଏଥିସହ 63 ଗ୍ରାମର ବ୍ରାଉନସୁଗାର, 8 ଲକ୍ଷ 54 ହଜାର ଟଙ୍କା ଜବତ କରିଛି ଏସଟିଏଫ।
ସୂଚନା ଅନୁଯାୟୀ, ଗତ 5 ତାରିଖରେ ଏସଟିଏଫର ଏକ ଟିମ୍ ପୁରୀରେ ଚଢାଉ କରି 10 ଗ୍ରାମ ବ୍ରାଉନ ସୁଗାର, ଦୁଇଟି ବାଇକ୍, 5 ଲକ୍ଷ 97 ହଜାର ଟଙ୍କା ଜବତ କରିବା ସହ 7 ଜଣ ଅଭିଯୁକ୍ତଙ୍କୁ ଗିରଫ କରିଥିଲା। ସେହିପରି ବାଲେଶ୍ବର ଜଳେଶ୍ବର ଅଞ୍ଚଳରୁ ଚଢାଉ କରି 35 ଗ୍ରାମ ବ୍ରାଉନସୁଗାର ଓ ଏକ ଲକ୍ଷ 47 ହଜାର ଟଙ୍କା ଜବତ କରିବା ସହ ଜଣେ ଅଭିଯୁକ୍ତକୁ ଗିରଫ କରିଛି ଏସଟିଏଫ।
ସେହିଭଳି ଗତ 8 ତାରିଖରେ ଢେଙ୍କାନାଳର ଏକ ଅଞ୍ଚଳରୁ ଡଢାଉ କରି 18 ଗ୍ରାମ ବ୍ରାଉନସୁଗାର, ଗୋଟିଏ ବାଇକ ଓ 1 ଲକ୍ଷ 10 ହଜାର ଟଙ୍କାକୁ ଜବତ କରିବା ସହ ଜଣେଙ୍କୁ ଗିରଫ କରିଛି ପୋଲିସ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
