ଭୁବନେଶ୍ବର: ଗୁରୁବାର ରାଜ୍ୟରେ 643 ଆକ୍ରାନ୍ତ ସୁସ୍ଥ ହୋଇଛନ୍ତି । ଯାହା ରାଜ୍ୟ ପାଇଁ ଏକ ଶୁଭଙ୍କର ଖବର । ରାଜ୍ୟରେ 14 ହଜାର ସୁସ୍ଥ ସଂଖ୍ୟା ଛୁଉଁଛି । ଯାହା ରାଜ୍ୟରେ ନୂଆ ରେକର୍ଡ ସୃଷ୍ଟି ହୋଇଛି । 20 ଟି ଜିଲ୍ଲାରେ 643 ଜଣ ସୁସ୍ଥ ହୋଇଥିବା ଜଣାପଡିଛି ।
ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ବଢିବା ସହ ସୁସ୍ଥ ହାର ମଧ୍ୟ ବଢିବାରେ ଲାଗିଛି । ଗଞ୍ଜାମରେ ସୁସ୍ଥ ହେଲେ 407 ଜଣ, ଖୋର୍ଦ୍ଧାରେ 44, ବାଲେଶ୍ୱରରେ 31, ମୟୂରଭଞ୍ଜରେ 28, କଟକରେ 27, ଜଗତସିଂହପୁରରେ 15, ବରଗଡ ଓ କନ୍ଧମାଳରେ 14 ଜଣ, ଢେଙ୍କାନଲ ଓ କେନ୍ଦୁଝରରେ 11 ଜଣ, ଭଦ୍ରକରେ 8, ଗଜପତିରେ 6, ବଲାଙ୍ଗୀର ଓ ଝାରସୁଗୁଡାରେ 5 ଜଣ ସୁସ୍ଥ ହୋଇଛନ୍ତି ।
ସେହିପରି ଯାଜପୁର ଓ ସୁନ୍ଦରଗଡରେ 4, କେନ୍ଦ୍ରାପଡା ଓ କୋରାପୁଟରେ 3, ସମ୍ବଲପୁରରେ 2 ଓ ଅନୁଗୁଲରେ ଜଣେ ସୁସ୍ଥ ହୋଇଛନ୍ତି । ତେବେ ରାଜ୍ୟରେ ମୋଟ ସୁସ୍ଥ ସଂଖ୍ୟା 14392 ରେ ପହଞ୍ଚିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
