ଭୁବନେଶ୍ବର: ରାଜଧାନୀରେ ଅଘଟଣ । ଗ୍ୟାସ ଲିକ ହୋଇ ନିଆଁ ଲାଗିବାରୁ 6 ଆହତ । ଆହତଙ୍କ ମଧ୍ୟରେ ଏକ ଶିଶୁ ଥିବା ସୂଚନା ରହିଛି । ଏଭଳି ଅଭାବନୀୟ ଘଟଣା ଘଟିଛି ନୂଆପଲ୍ଲୀ ଥାନା ଅଧିନସ୍ଥ ମୁଣ୍ଡା ବସ୍ତିରେ । ସମସ୍ତ ଆହତଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେମାନଙ୍କ ମଧ୍ୟରୁ 3ଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ କଟକ ବଡମେଡିକାଲ ସ୍ଥାନାନ୍ତର କରାଯାଇଛି ।
ଆହତ ମାନେ ହେଲେ ଶୃଙ୍ଗୁଳି ସିଂ, ନୀତିଶ ହେମ୍ରମ, କିରନ ତିରିୟା, ବାଲେ ହେମ୍ରମ, ବନକାଶୀ ଗାଗାରାଇ ଓ ଅନ୍ୟଜଣେ ଗ୍ୟାସ କର୍ମଚାରୀ ବୋଲି ଜଣାପଡିଛି । ସୂଚନା ଅନୁସାରେ, ପିତାମ୍ବରଙ୍କ ଘରେ ଥିବା ଗ୍ୟାସଟି ହଠାତ୍ ଲିକ୍ ହୋଇ ସେଥିରେ ନିଆଁ ଲାଗିଯାଇଥିଲା । ଫଳରେ 6 ଜଣ ଆହତ ହୋଇଥିଲେ ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
