ଫୁଲବାଣୀ: ଆଜି ୫୯ତମ ଜାତୀୟ ଗୃହରକ୍ଷୀ ଦିବସ । କନ୍ଧମାଳ ପୋଲିସ ପ୍ରଶାସନ ପକ୍ଷରୁ ଫୁଲବାଣୀ ରିଜର୍ଭ ପୋଲିସ ପଡିଆ ଠାରେ ଗୃହରକ୍ଷୀ ଦିବସ ପାଳନ କରାଯାଇଛି । ମୁଖ୍ୟ ଅତିଥି ଭାବେ ଆରକ୍ଷୀ ଅଧୀକ୍ଷକ ବିନୀତ ଅଗ୍ରୱାଲ ଯୋଗଦେଇ ଆୟୋଜିତ ପରେଡରେ ଅଭିବାଦନ ଗ୍ରହଣ କରିବା ପରେ ଗୃହରକ୍ଷୀଙ୍କ ନିଷ୍ଠାପର କାର୍ଯ୍ୟ ଉପରେ ଆଲୋକପାତ କରିଥିଲେ ।
ଯେକୌଣସି ବିପଦ, ଆପାତକାଳୀନ ପରିସ୍ଥିତିରେ ଗୃହରକ୍ଷୀମାନେ ପ୍ରଥମେ ନିଜ ଜୀବନକୁ ବାଜି ଲଗାଇ ଲୋକଙ୍କୁ ସେବା ଯୋଗାଇଥାନ୍ତି ବୋଲି ନିଜର ଅଭିଭାଷଣରେ କହିଥିଲେ । ସହିଦ ଗୃହରକ୍ଷୀଙ୍କୁ ଯୋଦ୍ଧା ଘୋଷଣା କରିବା ସହ ମହାମହିମ ରାଷ୍ଟ୍ରପତି, ପ୍ରଧାନମନ୍ତ୍ରୀ, ଗୃହମନ୍ତ୍ରୀ, ରାଜ୍ୟପାଳ ତଥା ମୁଖ୍ୟମନ୍ତ୍ରୀଙ୍କ ବାର୍ତ୍ତା ପଢି ଶୁଣାଇଥିଲେ । ଜିଲ୍ଲାର ବିଭିନ୍ନ ଥାନାରେ କାର୍ଯ୍ୟରତ ୧୭ ଜଣ ଗୃହରକ୍ଷୀଙ୍କୁ ଉତ୍କୃଷ୍ଟ କାର୍ଯ୍ୟ ପାଇଁ ମାନପତ୍ର ସହ ସମ୍ମାନିତ କରାଯାଇଥିଲା । ଅନ୍ୟ ମାନଙ୍କ ମଧ୍ୟରେ ଅତିରିକ୍ତ ଏସପି, ଡିଏସପି, ଏସଡିପିଓ, ବିଭିନ୍ନ ଥାନାରୁ ଆସିଥିବା ଅଧିକାରୀଙ୍କ ସମେତ ଗୃହରକ୍ଷୀ କର୍ମଚାରୀମାନେ ଉପସ୍ଥିତ ଥିଲେ ।
କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ
