ଭୁବନେଶ୍ବର: ରାଜ୍ୟରେ କୋରୋନା ମୁକାବିଲାରେ ଲଗାତାର ମିଳିବାରେ ଲାଗିଛି ସଫଳତା । ବିଗତ କିଛି ଦିନ ହେବ ରାଜ୍ୟରେ କୋରୋନା ଆକ୍ରାନ୍ତ ସଂଖ୍ୟା ଅଣାୟତ ଭାବେ ବଢିଚାଲିଥିବା ବେଳେ ଅପରପାର୍ଶ୍ବରେ ବଢିଚାଲିଛି ସୁସ୍ଥତା ହାର । ଏମିତିରେ ସୋମବାର ରାଜ୍ୟରେ ଆଉ 505 ଜଣ ସୁସ୍ଥ ହୋଇଥିବା ଜଣାପଡିଛି । ଏଥିସହ ରାଜ୍ୟରେ ମୋଟ ଆକ୍ରାନ୍ତ ସଂଖ୍ୟା 9255ରେ ପହଞ୍ଚିଥିବାରୁ ଆଶ୍ବସ୍ତ ପ୍ରକାଶ କରିଛନ୍ତି ରାଜ୍ୟବାସୀ ।
ସୋମବାର ରାଜ୍ୟର 22ଟି ଜିଲ୍ଲାରୁ ମୋଟ 505 ଜଣ ସୁସ୍ଥ ହୋଇଥିବା ଜଣା ପଡିଛି । ଏଥିମଧ୍ୟରୁ ଗଞ୍ଜାମ ଜିଲ୍ଲାର ସର୍ବାଧିକ 248 ଜଣ ସୁସ୍ଥ ହୋଇଛନ୍ତି । ଏଥିସହ ସୁନ୍ଦରଗଡରେ 71, ଖୋର୍ଦଅଧାରେ 52, କଟକରେ 45, ପୁରୀରେ 11, ଗଜପତିରେ 10, ନବରଙ୍ଗପୁରରେ 9, ଯାଜପୁର ଓ ନାଗଡରେ 8, ଜଗତସିଂହପୁରରେ 7, ଭଦ୍ରକ ଓ ଢେଙ୍କାନାଳରେ 6, ଅନୁଗୋଳରେ 5, କନ୍ଧମାଳ, କେନ୍ଦ୍ରାପଡା ଓ କୋରାପୁଟରେ 4, ବରଗଡରେ 3, କେନ୍ଦୁଝରରେ 2ଜଣଙ୍କ ସମେତ ଝାରସୁଗୁଡା ଓ ରାୟଗଡାରେ ଜଣେ ଲେଖାଏଁ ସୁସ୍ଥ ହୋଇଥିବା ଜଣା ପଡିଛି ।
ରାଜ୍ୟରେ ଏହି କ୍ରମରେ ଯଦି ସୁସ୍ଥତା ହାର ବଢିଚାଲେ ତେବେ ଖୁବଶୀଘ୍ର ରାଜ୍ୟରେ କୋରୋନା ସ୍ଥିତିରେ ସୁଧାର ଆସିବ ବୋଲି ରାଜ୍ୟବାସୀ ଆଶା ରଖିଛନ୍ତି । ସେପଟେ ରାଜ୍ୟବାସୀଙ୍କ ସହଯୋଗ ରହିଲେ ସୁସ୍ଥତା ହାର ଆହୁରି ବଢିବ ବୋଲି କୋରୋନା ଯୋଦ୍ଧା ଓ ସରକାର ପ୍ରକାଶ କରିଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
