ଭୁବନେଶ୍ବର: ହୁସିଆର ରାଜଧାନୀରେ ମାତିଛନ୍ତି ମୂର୍ତ୍ତି ଚୋର । ଟଙ୍କା କି ଗହଣା ନୁହଁ ଏମାନଙ୍କ ନଜର ଦୁର୍ଲଭ ମୂର୍ତ୍ତି ଉପରେ । ରାଜଧାନୀ ଉପକଣ୍ଠ ବାଲିଅନ୍ତା ଥାନା ହରିଦାସପୁରର ସ୍ବପ୍ନେଶ୍ବର ମନ୍ଦିରରୁ ୫ଲକ୍ଷ ଟଙ୍କାର ମୂର୍ତ୍ତି ଚୋରି ହୋଇଥିବା ଅଭିଯୋଗ ହୋଇଛି । ପୂଜକ ରାତ୍ରୀ ସମୟରେ ମନ୍ଦିରରେ ତାଲା ପକାଇ ଘରକୁ ଯିବା ପରେ ବିଳମ୍ବିତ ରାତ୍ରୀରେ ମନ୍ଦିରରୁ ରାଧା କୃଷ୍ଣ ଚନ୍ଦ୍ରଶେଖର ଅଷ୍ଟଧାତୁ ମୂର୍ତ୍ତିକୁ ଚୋରି କରିନେଇଛନ୍ତି ଦୁର୍ବୃତ୍ତ ।
ତେବେ ପରଦିନ ସକାଳ ସମୟରେ ପୂଜକ ମନ୍ଦିର ଆସିଥିବାବେଳେ ତାଲା ଭଙ୍ଗାଯିବା ସହ ମନ୍ଦିରରେ ଥିବା ଅଷ୍ଟଧାତୁରେ ନିର୍ମିତ ବିଗ୍ରହ ନଥିବା ଦେଖିବାକୁ ପାଇଥିଲେ । ଏନେଇ ଥାନାରେ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି । ମନ୍ଦିରରୁ କେବଳ ମୂର୍ତ୍ତି ଚୋରି ହୋଇଥିବା ବେଳେ ଦାନବାକ୍ସ ଓ ଅନ୍ୟାନ୍ୟ ଗହଣା ଚୋରି ହୋଇନଥିବା ଜଣାପଡିଛି ।
ଭୂବନେଶ୍ବରରୁ ତାପସ ପରିଡା, ଇଟିଭି ଭାରତ
