ଭୁବନେଶ୍ବର: ବିଶାଖାପାଟଣାରୁ ଆଲିଗଡ ଭାୟା ଭୁବନେଶ୍ବର । ପିଆଜ ବୋଝେଇ ଟ୍ରକରେ ଗଞ୍ଜେଇ ଚାଲାଣ । ଡିଆରଆଇ ହାତରେ ଧରାପଡିଲା ୪୫ ବସ୍ତା ଗଂଜେଇ ସହ ୨ ଅଭିଯୁକ୍ତ । ଗତ ୨ ତାରିଖରେ ଭୁବନେଶ୍ବର ଡିଆରଆଇ ୟୁନିଟ୍ ସୂଚନା ପାଇ ଆରମ୍ଭ କରିଥିଲା ଅପରେସନ ।
ଗାଡ଼ି ନଂ AP31TD990ଏକ ପିଆଜ ବୋଝେଇ ଟ୍ରକ ବିଶାଖାପାଟଣାରୁ ବାହାରି ଇଛାପୁରମ ଦେଇ ବ୍ରହ୍ମପୁର ଠାରେ ପହଞ୍ଚିଥିଲା । ଡିଆରଆଇ ଅଧିକାରୀ ଚେକିଂ ବେଳେ ଟ୍ରକଟି ଆଲିଗଡ ଯାଉଥିବା କହିଥିଲେ ଡ୍ରାଇଭର । ସନ୍ଦେହ ହେବାରୁ ଯାଞ୍ଚ କରିଥିଲେ ଅଧିକାରୀ । ଗାଡ଼ିରେ ଝୋଟ ଅଖା ବୋଝେଇ ୪୫ଟି ବସ୍ତାରେ ୯୮୮ କେଜି ଗଞ୍ଜେଇ ଜବତ ହୋଇଛି । ଯାହାର ଆନୁମାନିକ ମୁଲ୍ୟ ୧କୋଟି ୪୮ ଲକ୍ଷ ୩୨ହଜାର ୩୨୦ଟଙ୍କା ହେବ । ଏହି ଘଟଣାରେ ଟ୍ରକ ଡ୍ରାଇଭର ସହ ହେଲପରକୁ ଗିରଫ କରି ତଦନ୍ତ ଜାରି ରଖିଛି ଡିଆରଆଇ ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
