ଭୁବନେଶ୍ବର: ରାଜଧାନୀରେ ବଡ ଧରଣର ଡକାୟତି ଯୋଜନା ପଣ୍ଡ। ପୋଲିସ ହାତରେ 4 ଅପରାଧୀ। ଭୁବନେଶ୍ବରରେ ଡକାୟତି ପାଇଁ ଯୋଜନା କରୁଥିବା ବେଳେ ପୋଲିସ ସେମାନଙ୍କୁ ଗିରଫ କରିଛି।
ଖାରବେଳ ଥାନା ଅଧୀନରେ ଥିବା ଏକ ବସ୍ତି ପାଖରେ ବସି ଅପରାଧିକ ଯୋଜନା ପ୍ରସ୍ତୁତ କରୁଥିବା ବେଳେ ପୋଲିସ ଖବର ପାଇ ଘଟଣାସ୍ଥଳରୁ ସେମାନଙ୍କୁ ଗିରଫ କରିଛି। ସେମାନଙ୍କ ପାଖରୁ ପୋଲିସ ଏକ କଟୁରୀ, ଛୁରୀ, ହାମର ଓ ଲଙ୍କା ଗୁଣ୍ଡ ପ୍ୟାକେଟ ଇତ୍ୟାଦି ଜବତ କରିଛି।
ତେବେ ଗିରଫ ହୋଇଥିବା 4 ଜଣ ଯୁବକ ରାଜଧାନୀରେ ବିଭିନ୍ନ ଅଞ୍ଚଳରେ ଲୁଟ୍ କରିବା ସହ ଶୁନଶାନ୍ ରାସ୍ତାରେ ଏକୁଟିଆ ଦେଖିଲେ ଆକ୍ରମଣ କରିଥାନ୍ତି। ଏହି 4 ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
