ଭୁବନେଶ୍ବର: ଅମ୍ଲଜାନ ଅଭାବ ରାଜ୍ୟକୁ ପ୍ରାଣବାୟୁ ଯୋଗାଣ ଜାରି ରଖିଛି ଓଡିଶା । ଗତ 10 ଦିନରେ 214 ଟ୍ୟାଙ୍କରେ ପ୍ରାୟ 3965 MT ମେଡିକାଲ ଅକ୍ସିଜେନ ଓଡିଶା ପୋଲିସ୍ ଏସକର୍ଟ ଅଧୀନରେ 8 ଟି ଅଭାବୀ ରାଜ୍ୟକୁ ପଠାଯାଇଛି । ଏନେଇ ଟ୍ବିଟ କରି ସୂଚନା ଦେଇଛି ଓଡିଶା ପୋଲିସ ।
ଅକ୍ସିଜେନ ଅଭାବ ଯୋଗୁଁ କୋଭିଡ-19 ସଂକ୍ରମିତ ରୋଗୀ ପ୍ରାଣ ହରାଉଛନ୍ତି । ଆନ୍ଧ୍ରପ୍ରଦେଶ, ତେଲେଙ୍ଗାନା, ତାମିଲନାଡୁ , ହରିୟାଣା , ଉତ୍ତରପ୍ରଦେଶ, ମହାରାଷ୍ଟ୍ର, ମଧ୍ୟପ୍ରଦେଶ ଭଳି ଅକ୍ସିଜେନ ଅଭାବ ରାଜ୍ୟକୁ ଯୋଗାଣ କରି ଓଡିଶା ଶତାଧିକ କୋଭିଡ ଆକ୍ରାନ୍ତଙ୍କ ଜୀବନ ବଞ୍ଚାଇପାରୁଛି ।
ଅନୁଗୋଳ, ରାଉରକେଲା, ଯାଜପୁର , ଢେଙ୍କାନାଳରୁ ମେଡିକାଲ ଅକ୍ସିଜେନ ଅନ୍ୟ ରାଜ୍ୟକୁ ପଠାଯାଉଛି । ଓଡିଶା ପୋଲିସ ସ୍ୱତନ୍ତ୍ର ଏସକର୍ଟ କରି ଅକ୍ସିଜେନ ଟ୍ୟାଙ୍କର ପଠାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
