ଭୁବନେଶ୍ବର: ରାଜଧାନୀରେ 394 ନୂଆ କୋରୋନା ଆକ୍ରାନ୍ତ ଚିହ୍ନଟ କରାଯାଇଛି । ଫଳରେ ଭୁବନେଶ୍ବରର ମୋଟ ଆକ୍ରାନ୍ତ ସଂଖ୍ୟା 13689ରେ ପହଞ୍ଚିଛି । ତେବେ 308 ଜଣ ଆରୋଗ୍ୟ ହୋଇଛନ୍ତି। ସହରରେ ସ୍ଥାନୀୟ ସଂକ୍ରମଣ ସଂଖ୍ୟା ବଢୁଥିବା ଦେଖିବାକୁ ମିଳିଛି ।
ଭୁବନେଶ୍ୱରରୁ ହୋମ କ୍ବାରେଣ୍ଟାଇନ ସେଣ୍ଟରରୁ 159 ଜଣ ଚିହ୍ନଟ କରାଯାଇଥିବା ବେଳେ ଲୋକାଲ ସଂକ୍ରମଣ 235ରେ ପହଞ୍ଚିଛି । ହୋମ କ୍ଵାରେଣ୍ଟାଇନରୁ 159 ଜଣଙ୍କ ମଧ୍ୟରୁ 6 ଜଣ ପଟିଆ ମାଆ ମଙ୍ଗଳାବସ୍ତି, 3 ଜଣ ଚନ୍ଦ୍ରଶେଖରପୁର, 6 ଜଣ କଳ୍ପନା, 7 ଜଣ ଆଇଆରସି ଭିଲେଜ, 6 ଜଣ ଲକ୍ଷ୍ମୀ ସାଗର, 4 ଜଣ ପଟିଆ, 3 ଜଣ ଖଣ୍ଡଗିରି ଅଞ୍ଚଳରୁ ଚିହ୍ନଟ ହୋଇଛନ୍ତି।
ସେହିପରି ସ୍ଥାନୀୟ ସଂକ୍ରମଣରେ 9 ଜଣ ବମିଖାଲ ଅଞ୍ଚଳରୁ ଚିହ୍ନଟ ହୋଇଥିବା ବେଳେ 5 ଜଣ ୟୁନିଟ 9, 5 ଜଣ ୟୁନିଟ 8, 4 ଜଣ ସୁନ୍ଦରପଦା, 3 ଜଣ ଡୁମଡୁମା, 4 ଜଣ ବିଡିଏ କଲୋନୀ, 5 ଜଣ ସାମନ୍ତରାୟପୁର, 4 ଜଣ ସାଳିଆ ସାହି, 5 ଜଣ ଶୈଳେଶ୍ରୀ ବିହାର, 5 ଜଣ ବେହେରା ସାହି ନୟାପଲ୍ଲୀ, 5 ଜଣ ମଞ୍ଚେଶ୍ୱର, 3 ଜଣ ଭୀମଟାଙ୍ଗି ଅଞ୍ଚଳରୁ ଚିହ୍ନଟ ହୋଇଛନ୍ତି । ଏପଟେ 308 ଜଣ ଆକ୍ରାନ୍ତ ଆରୋଗ୍ୟ ହୋଇଛନ୍ତି । ତେବେ ଭୁବନେଶ୍ୱରରେ ମୋଟ ଆକ୍ରାନ୍ତ 13689 ଚିହ୍ନଟ ହୋଇଥିବା ବେଳେ 8529 ଜଣ ସୁସ୍ଥ ହୋଇଛନ୍ତି। ଅପରପକ୍ଷେ 5099 ଜଣ ସକ୍ରିୟ ରହିଥିବା ବେଳେ 49 ଜଣ ମୃତ୍ୟୁ କରିଛନ୍ତି।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
