ଭୁବନେଶ୍ବର : ଆଜି ଠାରୁ ରାଜଧାନୀର ପ୍ରଦର୍ଶନୀ ପଡିଆରେ ଆରମ୍ଭ ହୋଇଛି 22 ତମ କଳିଙ୍ଗ ପୁସ୍ତକ ମେଳା । ଆସନ୍ତା 9 ଅକ୍ଟୋବର ପର୍ଯ୍ୟନ୍ତ ଚାଲିବ ଏହି ପୁସ୍ତକ ମେଳା । ପୁସ୍ତକ ମେଳା ପ୍ରତି ପାଠକଙ୍କ ଆଗ୍ରହ ବଢିବାରେ ଲାଗିଛି ।
ଭୁବନେଶ୍ବରରେ ଉଦଘାଟନ ହୋଇଯାଇଛି ପୁସ୍ତକ ମେଳା । ସୂଚନା ଓ ଲୋକ ସମ୍ପର୍କ ମନ୍ତ୍ରୀ ରଘୁନନ୍ଦନ ଦାସ ଓ ରମାକାନ୍ତ ରଥ ପ୍ରମୁଖ୍ ଅତିଥି ଭାବରେ ଯୋଗ ଦେଇଛନ୍ତି । ଚଳିତ ବର୍ଷ 200ରୁ ଊର୍ଦ୍ଧ୍ବ ପୁସ୍ତକ ଷ୍ଟଲ ଖୋଲାଯାଇଛି । ବିଭିନ୍ନ ପ୍ରକାରର ପୁସ୍ତକ ଗୁ଼ଡିକ ମେଳାରେ ଦେଖିବାକୁ ମିଳୁଛି ।
ଦିନ ବଢିବା ସାଙ୍ଗକୁ ପାଠକଙ୍କ ଭିଡ଼ ଲାଗିବ ବୋଲି ଆଶା କରାଯାଉଛି । ବିଭିନ୍ନ ପ୍ରତିଯୋଗିତା ମାଧ୍ୟମରେ ଛାତ୍ରଛାତ୍ରୀଙ୍କୁ ବହି ପଢିବାର ଆଗ୍ରହ ସୃଷ୍ଟି କରିବା ଓ ସିଧା ସଳଖ ଯୋଡିବା ପାଇଁ ବିଭିନ୍ନ ପ୍ରକାରର ପ୍ରତିଯୋଗିତା ଆସନ୍ତା 10 ଦିନ ଧରି ଅନୁଷ୍ଠିତ ହେବ । ପ୍ରତ୍ୟେକ ଦିନ ସନ୍ଧ୍ୟାରେ ସାହିତ୍ୟ ଆଲୋଚନା, କବିତା ଆସର, ପୁସ୍ତକ ଉନ୍ମୋଚନ ଓ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ ।
ଭୁବନେଶ୍ବରୁ ଶତରୂପା ସାମନ୍ତରାୟ, ଇଟିଭି ଭାରତ
