ଭୁବନେଶ୍ବର: ବସ ଭିତରେ ବ୍ରାଉନସୁଗାର ଡିଲ୍ ବେଳେ ଧରାପଡିଲେ ଦୁଇ ବେପାରୀ । ଭୁବନେଶ୍ବର ବରମୁଣ୍ଡା ବସଷ୍ଟାଣ୍ଡରେ ବ୍ରାଉନସୁଗାର ଡିଲ୍ ବେଳେ ୨ ଜଣ ବେପାରୀଙ୍କୁ ଗିରଫ କରିଛି ଏସଟିଏଫ ଟିମ୍ । ଏଥିସହ ସେମାନଙ୍କ ଠାରୁ ୪୦୫ ଗ୍ରାମ ବ୍ରାଉନସୁଗାର ଜବତ କରିଛି ଟିମ୍ ।
ବ୍ରାଉନସୁଗାର ଡିଲ୍ ବେଳେ 2 ବେପାରୀ ଗିରଫ
ତେବେ ଗିରଫ ହୋଇଥିବା ବେପାରୀ କଲିକତାର ମୁର୍ଷିଦାବାଦରୁ ବ୍ରାଉନସୁଗାର ଆଣି ବରମୁଣ୍ଡାରେ ବିକ୍ରି କରୁଥିବା ଜଣାପଡିଛି । ତେବେ ଗିରଫ ହୋଇଥିବା ଅଭିଯୁକ୍ତ ଏସ.କେ ସାରୁକର ଘର ବାଲେଶ୍ବର ଅରଡବଜାର ଗଲାପୋଲ ସହଦେବ ଖୁଣ୍ଟା ହୋଇଥିବା ବେଳେ ଅନ୍ୟଜଣେ ଅଭିଯୁକ୍ତ ସଂଜିବ କୁମାର ଦେହୁରି ଘର ବାଲେଶ୍ବର ସୁନାହାଟ ବୋଲି ଜଣାପଡିଛି ।
ଏହାକୁ ମିଶାଇ ବିଗତ ଦୁଇ ମାସରେ ୧୩ଟି ମାମଲାରେ ୨୪ ଅଭିଯୁକ୍ତଙ୍କୁ ଗିରଫ କରିବା ସହ ୧ କେଜି ୨୭୯ ଗ୍ରାମ ବ୍ରାଉନସୁଗାର ଜବତ କରିଛି ଏସଟିଏଫ୍ । ଏଥିସହ ୧୩ ଲକ୍ଷ ୨୧ହଜାର ଟଙ୍କା ଜବତ ସହ ଗୋଟିଏ କାର , ୮ଟି ବାଇକ ଜବତ କରିଛି ଏସଟିଏଫ ଟିମ୍ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
