ଭୁବନେଶ୍ବର: ସପ୍ତାହକ ତଳେ ଘୋଷଣା ହୋଇଥିଲା ‘ପୋଷ୍ୟ ସ୍କୁଲ ଅଭିଯାନ' । ଏନେଇ 16 ଜଣ ଆଇଏଏସ 16 ଟି ସ୍କୁଲକୁ ପୋଷ୍ୟ ସ୍କୁଲ ଭାବରେ ଗ୍ରହଣ କରିଛନ୍ତି । ବିଦ୍ୟାଳୟର ଭିତ୍ତିଭୂମି ବିକାଶ ସହ ଏହାର ଶୈଖୁକ ବାତାବରଣକୁ ସମୃଦ୍ଧ କରିବା ଏବଂ ସରକାରୀ ବିଦ୍ୟାଳୟ ଗୁଡିକର ମହତ୍ତ୍ବ ବଢାଇବା ଏହାର ଉଦ୍ଦେଶ୍ୟ ।
ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗର 'ମୋ ସ୍କୁଲ' ଢାଞ୍ଚାର ପୋଷ୍ୟ ସ୍କୁଲ ଅଭିଯାନରେ ଏବେ ସାମିଲ ହୋଇଛନ୍ତି ରାଜ୍ୟର ବରିଷ୍ଠ ପ୍ରଶାସନିକ ଅଧିକାରୀ । ଶୁକ୍ରବାର ରାଜ୍ୟର 16 ବରିଷ୍ଠ ପ୍ରଶାସନିକ ଅଧିକାରୀ 16ଟି ସ୍କୁଲକୁ ପୋଷ୍ୟ ଭାବରେ ଗ୍ରହଣ କରିଛନ୍ତି । ମୁଖ୍ୟ ଶାସନ ସଚିବ ସୁରେନ୍ଦ୍ର ମହାପାତ୍ର ଏହି ପୋଷ୍ୟ ସ୍କୁଲ ଅଭିଯାନରେ ସାମିଲ ହୋଇଛନ୍ତି । ସେ କେନ୍ଦୁଝର ଡିଏନ ଉଚ୍ଚ ମାଧ୍ୟମିକ ସ୍କୁଲକୁ ପୋଷ୍ୟ ଭାବରେ ଗ୍ରହଣ କରିଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
