ଭୁବନେଶ୍ବର: ରାଜ୍ୟରେ ମହାମାରୀ କୋରୋନା ପୁଣି ଜୀବନ । ଗଡିଲା 16 ମୁଣ୍ଡ । ଗୋଟିଏ ପଟେ ସଂକ୍ରମିତଙ୍କ ସଂଖ୍ୟା କମୁଥିବା ବେଳେ ମୃତ୍ୟୁ ସଂଖ୍ୟା ବଢିବାରେ ଲାଗିଛି । ଏହି କ୍ରମରେ ଆଜିର 16 ମୃତକଙ୍କୁ ନେଇ ରାଜ୍ୟରେ ମୋଟ ମୃତ୍ୟୁ ସଂଖ୍ୟା 1168ରେ ପହଞ୍ଚିଛି ।
ଚିହ୍ନଟ 16 ମୃତକଙ୍କ ମଧ୍ୟରେ ଝାରସୁଗୁଡ଼ାର 40 ବର୍ଷୀୟ ପୁରୁଷ, ଭଦ୍ରକର 60 ବର୍ଷୀୟ ବୃଦ୍ଧ, କଟକର 59 ବର୍ଷୀୟ ବୃଦ୍ଧ, ଭୁବନେଶ୍ୱରର 58 ବର୍ଷୀୟ ପୁରୁଷ ଓ ଜଣେ 72 ବର୍ଷୀୟ ବୃଦ୍ଧା ଅଛନ୍ତି । ସେହିପରି କେନ୍ଦ୍ରାପଡାର 82 ବର୍ଷୀୟ ବୃଦ୍ଧ, ଖୋର୍ଦ୍ଧାର 72 ବର୍ଷୀୟ ବୃଦ୍ଧା, ମୟୂରଭଞ୍ଜରେ ଜଣେ 72 ବର୍ଷୀୟ ବୃଦ୍ଧ ଓ ବୃଦ୍ଧା, 60 ବର୍ଷୀୟ ବୃଦ୍ଧା ଓ ଜଣେ 30 ବର୍ଷୀୟ ମହିଳା, କଳାହାଣ୍ଡିର 72 ବର୍ଷୀୟ ବୃଦ୍ଧ, 24 ବର୍ଷୀୟ ଯୁବକ ଓ 60 ବର୍ଷୀୟ ବୃଦ୍ଧ, ନୂଆପଡାର 48 ବର୍ଷୀୟ ମହିଳା ଓ 74 ବର୍ଷୀୟ ବୃଦ୍ଧଙ୍କ ମୃତ୍ୟୁ ଘଟିଛି । ତେବେ ଏସମସ୍ତ ସଂକ୍ରମିତ ଅନ୍ୟାନ୍ୟ ରୋଗୀରେ ମଧ୍ୟ ପୀଡିତ ଥିବା ଜଣାପଡିଛି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
