ଭୁବନେଶ୍ବର: ରାଜ୍ୟ ପାଇଁ ପୁଣି ଏକ ଖୁସି ଖବର । ଆଜି ରାଜ୍ୟରେ ପୁଣି 149 ଜଣ କୋରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ତେବେ ଏହି ସୁସ୍ଥ ସଂଖ୍ୟକୁ ମିଶାଇ ରାଜ୍ୟରେ ମୋଟ 5502 ଜଣ ଆକ୍ରାନ୍ତ ସୁସ୍ଥ ହେଲେ ।
ତେବେ ଆଜି ରାଜ୍ୟରେ19 ଟି ଜିଲ୍ଲାରେ ମୋଟ 149 ଜଣ ସୁସ୍ଥ ହୋଇଛନ୍ତି । ଯାହା ରାଜ୍ୟରେ ସର୍ବାଧିକ ସୁସ୍ଥ ସଂଖ୍ୟା ରେକର୍ଡ କରାଯାଇଛି । ଗଞ୍ଜାମ ଜିଲ୍ଲାରେ ସର୍ବଧିକ 49 ଜଣ ସୁସ୍ଥ ହୋଇଥିବା ବେଳେ ଖୋର୍ଦ୍ଧାରୁ 24, ମୟୁରଭଞ୍ଜରୁ 14 ଜଣ ସୁସ୍ଥ ହୋଇଛନ୍ତି ।
ସେହିପରି କଟକରୁ 13, କଳାହାଣ୍ଡି ଓ କେନ୍ଦ୍ରାପଡାରୁ 6 ଲେଖାଏଁ, ରାୟଗଡାରୁ 5, ଅନୁଗୁଳ ଝାରସୁଗୁଡା ଓ ସୁନ୍ଦରଗଡରୁ 4 ଲେଖାଏଁ, ବଲାଙ୍ଗୀର, ଭଦ୍ରକ, ଯାଜପୁର ଓ ପୁରୀରେ 3 ଲେଖାଏଁ, ବାଲେଶ୍ବର ଜଗତସିଂହପୁର ଓ ନୟାଗଡରୁ 2 ଲେଖାଏଁ, ବରଗଡ ଓ କୋରାପୁଟରୁ ଜଣେ ଲେଖାଏଁ ସୁସ୍ଥ ହୋଇଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
