ଭୁବନେଶ୍ବର: ରାଜ୍ୟରେ ଶନିବାର 14ଟି ଜିଲ୍ଲାରୁ ସର୍ବାଧିକ 173 କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଫଳରେ ରାଜ୍ୟର ମୋଟ କୋରୋନା ଆକ୍ରାନ୍ତଙ୍କ ସଂଖ୍ୟା 2781ରେ ପହଞ୍ଚିଛି । ଅନ୍ୟପକ୍ଷରେ 1167ଟି ସକ୍ରିୟ ମାମଲା ରହିଥିବା ବେଳେ 1604 ଜଣ ସୁସ୍ଥ ହେଲେଣି । ସେହିପରି 8 ଜଣଙ୍କର ମୃତ୍ୟୁ ଘଟିଛି ।
ରାଜ୍ୟରେ ଦ୍ରୁତ ଗତିରେ ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ଶନିବାର ରାଜ୍ୟର ସର୍ବାଧିକ ଆକ୍ରାନ୍ତଙ୍କ ସଂଖ୍ୟା ଚିହ୍ନଟ ହୋଇଛି । କ୍ବାରେଣ୍ଟାଇନ ସେଣ୍ଟରରୁ 150 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ 23 ଜଣ ସ୍ଥାନୀୟ ଅଞ୍ଚଳରୁ ଚିହ୍ନଟ ହୋଇଛନ୍ତି ।
ରାଜ୍ୟର ଗଞ୍ଜାମରେ 64 ଜଣ କୋରୋନା ପଜିଟିଭ ରହିଥିବା ବେଳେ ଯାଜପୁରରେ 19, ଖୋର୍ଦ୍ଧାରେ 9, ଝାରସୁଗୁଡାରେ 1, ନୟାଗଡରେ 7, କଟକରେ 13, ମୟୂରଭଞ୍ଜରେ 13, ଭଦ୍ରକରେ 4, କଳାହାଣ୍ଡିରେ 2, ଗଜପତିରେ 10, ବଲାଙ୍ଗୀରରେ 11, ବାଲେଶ୍ବରରେ 11, ପୁରୀରେ 1 ଓ ନୂଆପଡାରେ 8 ଆକ୍ରାନ୍ତ ହୋଇଛନ୍ତି । ରାଜ୍ୟ 9 ଟି ଜିଲ୍ଲାରେ ସର୍ବାଧିକ ଆକ୍ରାନ୍ତ ଚିହ୍ନଟ ହେଉଥିବା ଦେଖିବାକୁ ମିଶିଛି ।
