ଭୁବନେଶ୍ବର : ଲୋକଙ୍କୁ ସୁଲଭ ମୂଲ୍ୟରେ ଯୋଗାଇ ଦିଆଯାଇଛି ବିଭିନ୍ନ ପ୍ରକାରର ଔଷଧୀୟ ବୃକ୍ଷ । ରାଜ୍ୟର ରାଜଧାନୀ ଭୁବନେଶ୍ବରରେ ଚାଲିଛି 12 ତମ କଳିଙ୍ଗ ହର୍ବାଲ ମେଳା 2019। ଏହି ମେଳାରେ ବିରଳ ଔଷଧୀୟ ବୃକ୍ଷ ଗୁଡିକ ଦେଖିବାକୁ ମିଳୁଛି ।
ରାଜ୍ୟ ଔଷଧୀୟ ଉଦ୍ଭିଦ ପରିଷଦ ଗତ 2008 ମସିହାରୁ ରାଜ୍ୟ ଓ ଆଞ୍ଚଳିକ ସ୍ତରରେ କଳିଙ୍ଗ ହର୍ବାଲ ମେଳା ଆୟୋଜନ କରି ଆସୁଛି। କଳିଙ୍ଗ ହର୍ବାଲ ମେଳା 2019ରେ ରାଜ୍ୟର କୋଣ ଅନୁକୋଣକରୁ ଅନେକ ଵୈଦ ଆସିଛନ୍ତି। ଲୋକମାନଙ୍କୁ ବିଭିନ୍ନ ଆୟୁର୍ବେଦ ଚିକିତ୍ସା ଓ ପୁରୁଣା ପାରମ୍ପାରିକ ଚିକିତ୍ସା ପଦ୍ଧତି ବିଷୟରେ ଅବଗତ କରାଯିବା ସହ ଦିନକୁ ଦିନ ଅନେକ ହଜି ଯାଉଥିବା ଔଷଧୀୟ ବୃକ୍ଷକୁ ବେଶ ସୁଲଭ ମୂଲ୍ୟରେ ମେଳାରେ ଲୋକଙ୍କୁ ବିକ୍ରି କରାଯାଉଛି । ଗତ 4 ତାରିଖରୁ ଆରମ୍ଭ ହୋଇଥିବା ଏହି ମେଳା ଆସନ୍ତା 8 ତାରିଖ ପର୍ଯ୍ୟନ୍ତ ରାଜଧାନୀର ୟୁନିଟ 3 ସ୍ଥିତ ପ୍ରଦର୍ଶନୀ ପଡିଆରେ ଚାଲିବ । ଜଙ୍ଗଲ ଓ ପରିବେଶ ମନ୍ତ୍ରୀ ବିକ୍ରମ କେଶରୀ ଆରୁଖ ଓ ବିଭାଗୀୟ ସଚିବ ଡ଼ ମୋନା ଶର୍ମା ଯୋଗ ଦେଇ କଳିଙ୍ଗ ହର୍ବାଲ ମେଳା 2019 ଉଦଘାଟନ କରିଥିଲେ।
ଏହି ମେଳାରେ ଔଷଧୀୟ ବୃକ୍ଷଲତା ସହ ସମ୍ପୃକ୍ତ ଚାଷୀ, ରାଜ୍ୟର ପାରମ୍ପରିକ ଆରେଗ୍ୟକାରୀ,ବୈଦ୍ୟ, ଆୟୁର୍ବେଦ ହର୍ବାଲ ଔଷଧ ବିକ୍ରି କରାଯାଉଛି। ଅନ୍ୟପଟେ ଲୋକଙ୍କୁ ନିଜ ଘରେ ଔଷଧୀୟ ବୃକ୍ଷ ଲଗାଇ କିଭଳି ଚିରାଚରିତ ରୋଗରୁ ମୁକ୍ତି ପାଇବେ ତାହା ଉପରେ ବେଶ ଭଲ ପଦକ୍ଷେପ ନେଇ ରାଜ୍ୟ ଜଙ୍ଗଲ ବିଭାଗ।
ଭୁବନେଶ୍ବରୁ ଶତରୂପା ସାମନ୍ତରାୟ, ଇଟିଭି ଭାରତ
