ଭୁବନେଶ୍ବର: ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ଦ୍ରୁତଗତିରେ ବୃଦ୍ଧି ପାଉଥିବା ବେଳେ ସୁସ୍ଥଙ୍କ ସଂଖ୍ୟା ମଧ୍ୟ ବୃଦ୍ଧି ପାଇଛି । ଏହି କ୍ରମରେ ମଙ୍ଗଳବାର ରାଜ୍ୟର 14 ଜିଲ୍ଲାରେ 125 ଜଣ କୋରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଏଥିସହ ମୋଟ ସୁସ୍ଥ ସଂଖ୍ୟା 3988ରେ ପହଞ୍ଚିଛି । ରାଜ୍ୟରେ କୋରୋନା ସୁସ୍ଥଙ୍କ ସଂଖ୍ୟା ବୃଦ୍ଧି ରାଜ୍ୟ ସରକାର ତଥା ଜିଲ୍ଲା ପ୍ରଶାସନକୁ ଏକ ପ୍ରକାର ଆଶ୍ବସ୍ତି ଆଣିଦେଇଛି ।
ଖୋର୍ଦ୍ଧାରେ ସର୍ବାଧିକ 33 ଜଣ ସୁସ୍ଥ ହୋଇଥିବାବେଳେ ପୁରୀରେ 17, କଟକରେ 14, ମୟୂରଭଞ୍ଜରେ 13, ଗଞ୍ଜାମରେ 10, କେନ୍ଦୁଝରରେ 9, ଯାଜପୁରରେ 8, ନୂଆପଡାରେ 6, କେନ୍ଦ୍ରପଡା ଓ ଜଗତସିଂହପୁରରେ 4 ଜଣ ଲେଖାଏଁ, ସୁନ୍ଦରଗଡରେ 3 ଜଣ, ବଲାଙ୍ଗୀରରେ 2 ଜଣ, କନ୍ଧମାଳ ଓ ମାଲକାନଗିରିରେ ଜଣେ ଲେଖାଏଁ ସୁସ୍ଥ ହୋଇଛନ୍ତି ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
