ଭୁବନେଶ୍ବର: କୋରୋନା ମୁକାବିଲା ଲାଗି କଟକ ମହାନଗର ନିଗମକୁ 10 କୋଟି ଟଙ୍କା । ମୁଖ୍ୟମନ୍ତ୍ରୀଙ୍କ ରିଲିଫ ଫଣ୍ଡରୁ ଏହି ଟଙ୍କା ଦେଲେ ରାଜ୍ୟ ସରକାର । ଏହି 10 କୋଟି ଟଙ୍କା ଅନୁମୋଦନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସହରାଞ୍ଚଳରେ ବର୍ତ୍ତମାନ ବେକାବୁ ହେବାରେ ଲାଗିଛି କୋରୋନା ।
କୋରୋନା ଚେନ୍କୁ ବ୍ରେକ୍ ଦେବାକୁ ନିଆଯାଉଛି ପଦକ୍ଷେପ । ଆଗୁଆ ପଦକ୍ଷେପ ନେବା ଲାଗି ଜିଲ୍ଲା ଓ ମହାନଗର ନିଗମ ଲାଗି ଅର୍ଥ ଭଣ୍ଡାର ଖୋଲି ଦେଇଛନ୍ତି ରାଜ୍ୟ ସରକାର । ଯାହା କରୁଛ କର କିନ୍ତୁ ସଂକ୍ରମଣରେ ବ୍ରେକ୍ ଲଗାଅ । ଜନସାଧାରଣଙ୍କ ଜୀବନ ବଞ୍ଚାଅ । ଏନେଇ ଆଜି କଟକ ମହାନଗର ନିଗମର କୋରୋନା ମୁକାବିଲା ଲାଗି 10 କୋଟି ଟଙ୍କା ଅନୁମୋଦନ କରିଛନ୍ତି ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀଙ୍କ ରିଲିଫ୍ ଫଣ୍ଡରୁ ଏହି ଟଙ୍କା ଅନୁମୋଦନ କରାଯାଇଛି ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
