ଭଦ୍ରକ: ରଜରେ ଯୁବତୀଙ୍କ ଝୁଲନ୍ତା ଅଵସ୍ଥାରେ ମୃତଦେହ ଉଦ୍ଧାର । ଭଦ୍ରକ ଟାଉନ ଥାନା ଅନ୍ତର୍ଗତ ଜାନୁଗଞ୍ଜ ଦୁର୍ଗାମଣ୍ଡପ ସମ୍ମୁଖରେ ଥିବା ଏକ ଭଡା ଘରୁ ଯୁବତୀଙ୍କ ଫ୍ୟାନରେ ଝୁଲନ୍ତା ଅଵସ୍ଥାରେ ମୃତଦେହ ଉଦ୍ଧାର କରିଛି ଟାଉନ ଥାନା ପୋଲିସ । ମୃତଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇଛି । ମୃତକ ଯୁବତୀ ଜଣକ ହେଲେ ତିହିଡି ବ୍ଲକ ସିନ୍ଦୋଳ ଗାଁର ସଂଗୀତା ପୃଷ୍ଟି । ସେ ଏହି ଭଡା ଘରେ 3 ଜଣ ରୁମ ମେଟଙ୍କ ସହ ଦୀର୍ଘ ଦିନ ରହି ଆସୁଥିଲେ । ରଜ ପାଇଁ ଅନ୍ୟ ସମସ୍ତେ ଘରକୁ ପଳେଇ ଯାଇଥିବାବେଳେ ସଙ୍ଗୀତା ଏକୁଟିଆ ରହୁଥିଲେ ।
ସେ ଏଠାରେ ରହି ଏକ ଘରୋଇ ସଂସ୍ଥାରେ କାମ କରୁଥିବାଵେଳେ କମ୍ପିଟେଟିଭ ପାଇଁ ପ୍ରସ୍ତୁତ ହେଉଥିଲେ ବୋଲି ଜଣାପଡିଛି । ତେବେ କୌଣସି କାରଣରୁ ଘର ମାଲିକ ଡାକିବାରୁ ଭିତର ପଟୁ କବାଟ ଖୋଲି ନଥିଲା । ଏନେଇ ସନ୍ଦେହ କରି ସ୍ଥାନୀୟ ଲୋକେ ସ୍କାଏଲାଇଟ ବାଟେ ଦେଖିବାବେଳକୁ ଫ୍ୟାନରେ ଯୁବତୀଙ୍କ ମୃତଦେହ ଝୁଲୁଥିବା ଦେଖିବାକୁ ମିଳିଥିଲା ବୋଲି ସୂଚନା ମିଳିଛି ।
ପରେ ଏନେଇ ଟାଉନ ଥାନା ପୋଲିସକୁ ଖଵର ଦେବା ପରେ, ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି । ହେଲେ ଏନେଇ ପୋଲିସ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇନାହିଁ ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
