ଭଦ୍ରକ: ମାତିଛନ୍ତି ଚୋରାଚାଲାଣକାରୀ ମାଫିଆ । ବେପାର ପାଇଁ କୌଣସି ବାଟ ମଧ୍ୟ ଛାଡୁ ନାହାନ୍ତି । ଆମ୍ବୁଲାନ୍ସ ଗାଡିରେ ଗଞ୍ଜେଇ ଚୋରାଚାଲାଣ ସମୟରେ ଧରିଛି ଭଦ୍ରକ ଟାଉନ ଥାନା ପୋଲିସ ।
ଆମ୍ବୁଲାନ୍ସରୁ ଗଞ୍ଜେଇ ଜବତ, 2 ଅଟକ
ସୂଚନା ଅନୁଯାୟୀ ଆଜି(ଗୁରୁବାର) ବିଶେଷ ସୂତ୍ରରୁ ଖବର ପାଇ ଭଦ୍ରକ ଟାଉନ ଥାନା ପୋଲିସ ବନ୍ତ ଛକ ନିକଟରେ ତଦନ୍ତ କରିଥିଲା । ଏହିସମୟରେ ଆମ୍ବୁଲାନ୍ସକୁ ଅଟକାଇ ଯାଞ୍ଚବେଳେ ଗଞ୍ଜେଇ ଜବତ କରିଛି ପୋଲିସ । ଏହି ଗଞ୍ଜେଇ ଚାଲାଣ କରୁଥିବା ଆମ୍ବୁଲାନ୍ସର ଡ୍ରାଇଭର ସମେତ ଆଉ ଜଣକୁ ଅଟକ ରଖିଛି ଟାଉନ ଥାନା ପୋଲିସ । ଏଥିସହ ଆମ୍ବୁଲାନ୍ସକୁ ମଧ୍ୟ ଜବତ କରିଛି ପୋଲିସ ।
ପାଖାପାଖି ୫୦ କେଜିରୁ ଊର୍ଦ୍ଧ୍ବ ଗଞ୍ଜେଇ ଜବତ ହୋଇଥିବା ଜଣାପଡିଛି । ଆମ୍ବୁଲାନ୍ସଟି କଟକରୁ ଭଦ୍ରକ ଅଭିମୁଖେ ଆସୁଥିଲା ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
