ଭଦ୍ରକ: ଖବର ପରିବେଷଣ ନାଁରେ ଜନସାଧାରଣଙ୍କୁ ଠକୁଥିବା ନକଲି ସାମ୍ବାଦିକ ଗିରଫ । ଭଦ୍ରକରୁ ଗିରଫ ହୋଇଛି ଠକ ସାମ୍ବାଦିକକୁ ଗିରଫ କରିଛି ଭଦ୍ରକ ପୋଲିସ ।
ନା ଅଚ୍ୟୁତାନନ୍ଦ ନାୟକ । ଘର ବାଲେଶ୍ବରବାଲିପୋଖରୀ ଅନ୍ତର୍ଗତ ତେଲନଟି ଗ୍ରାମରେ , ହେଲେ ଭଦ୍ରକ ଚରମ୍ପା ରେ ରହି ସାଜିଥିଲେ ନକଲୀ ସାମ୍ବାଦିକ । ଖବର ଦେବା ନାଁରେ କରୁଥିଲା ନିଜ ମିଥ୍ୟା ଆତ୍ମପ୍ରଚାର । ସାମ୍ବାଦିକ କହି ଲୋକଙ୍କୁ ବୁଲାଉଥିଲେ ଭୁଆଁ । ଫେସବୁକ ପ୍ରୋଫାଇଲ ଠାରୁ କଭର ଫଟୋ ସବୁଠି ରହିଛି ଇଟିଭି ଲୋଗ । ଜାତୀୟ ଗଣମାଧ୍ୟମର ସାମ୍ବାଦିକ ପରିଚୟ ଦେଇ ସବୁ କାର୍ଯ୍ୟକ୍ରମ , ପାର୍ବଣ , ସାମ୍ବାଦିକ ସମ୍ମିଳନୀରେ ଯୋଗଦେଇ ସବୁରି ଆଖିରେ ଦେଉଥିଲା ଧୁଆଁ । ଆଉ ଆତ୍ମସାତ କରୁଥିଲା ହଜାର ହଜାର ଟଙ୍କା । ଏ ନେଇ ଅବଗତ ପରେ ଇଟିଭି ପକ୍ଷରୁ ଭଦ୍ରକ ଟାଉନ ଥାନାରେ ହୋଇଥିଲା ଅଭିଯୋଗ ।
ପୋଲିସ ପକ୍ଷରୁ ଏକ ମାମଲା ରୁଜୁ କରାଯାଇ ତଦନ୍ତ ପରେ ଭଦ୍ରକରୁ ଗିରଫ ହେଇଛି ଅଚ୍ୟୁତାନନ୍ଦ ନାୟକ । ଏହି ଗିରଫଦାରୀ ବିଷୟରେ ପୋଲିସ ପକ୍ଷରୁ ସୂଚନା ଦିଆଯାଇଛି । ଅଭିଯୁକ୍ତ ଅଚ୍ୟୁତାନନ୍ଦଙ୍କ ବିରୋଧରେ ଆଇପିସି ଧାରା, 419, 420(ଠକେଇ),63( କପିରାଇଟ ଆକ୍ଟ), 104 ଓ 102(ବାଣିଜ୍ୟ ଆକ୍ଟ) ଆଧାରରେ ରୁଜୁ ହୋଇଛି ମାମଲା ।
ଅନେକ ଦିନରୁ ସୋସିଆଲ ମିଡିଆରେ ଇଟିଭି ସାମ୍ବାଦିକ ବୋଲି ପରିଚୟ ଦେଇଆସୁଥିଲା ଅଭିଯୁକ୍ତ ଅଚ୍ୟୁତ । ଏହାସହିତ ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ଇଟିଭି ଲୋଗୋକୁ ପୋଷ୍ଟ କରି ଏହାର ଅପବ୍ୟବହାର କରୁଥିବା ମଧ୍ୟ ଦେଖିବାକୁ ମିଳିଥିଲା । ପରେ ଘଟଣା ସମ୍ପର୍କରେ ସୂଚନା ପାଇ ପୋଲିସ ଶୁକ୍ରବାର ଅଚ୍ୟୁତକୁ ଗିରଫ କରିଥିଲା । ତେବେ ଜାମିନ ଆବେଦନ ଖାରଜ ପରେ ଅଭିଯୁକ୍ତକୁ ଜେଲ ପଠାଇଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
