ବ୍ରହ୍ମପୁର: ବ୍ରହ୍ମପୁର ବିଶ୍ୱବିଦ୍ୟାଳୟର ଯୁକ୍ତ ୩ ପରୀକ୍ଷାଫଳ ପ୍ରକାଶ ପାଇଛି । ଚଳିତ ବର୍ଷ କୋରୋନା ଭାଇରସ ଓ ଲକଡାଉନ୍ ପାଇଁ ପରୀକ୍ଷାରେ କିଛିଟା ବିଭ୍ରାଟ ଉପୁଜିଥିଲା । ଏପରିକି ଖାତା ଦେଖା ମଧ୍ୟ ପ୍ରଭାବିତ ହୋଇଥିଲା । ତେବେ ସବୁ ସତ୍ତ୍ୱେ ଶନିବାର ବ୍ରହ୍ମପୁର ବିଶ୍ୱବିଦ୍ୟାଳୟର ଯୁକ୍ତ ୩ ପରୀକ୍ଷା ଫଳ ପ୍ରକାଶ ପାଇଛି । ଚଳିତ ବର୍ଷ ମୋଟ୍ ପାସ୍ ହାର ରହିଛି ୯୧.୭୩ ପ୍ରତିଶତ ।
କଳା, ବିଜ୍ଞାନ, ବାଣିଜ୍ୟ ତିନୋଟି ବିଭାଗର ମୋଟ ୨୦୭୦୪ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିବା ବେଳେ ସେଥମଧ୍ୟରୁ ୨୦୭୦୪ ଜଣ ପରୀକ୍ଷା ଦେଇଥିବା ବେଳେ ୧୮୯୯୧ ଜଣ ଛାତ୍ରଛାତ୍ରୀ ପାସ୍ କରିଥିବା ବିଶ୍ୱବିଦ୍ୟାଳୟ ପକ୍ଷରୁ ସୂଚନା ଦିଆଯାଇଛି । ଯୁକ୍ତ ତିନି କଳାରେ ୧୪୦୭୪ ଜଣ ପରୀକ୍ଷା ଦେଇଥିବା ବେଳେ ୧୩୨୦୭ ଜଣ ପରୀକ୍ଷାର୍ଥୀ ପାସ୍ ହୋଇଥିବା ବେଳେ ପାସ୍ ହାର ୯୩.୮୪ ପ୍ରତିଶତ ରହିଛନ୍ତି ।
ସେହିପରି ବିଜ୍ଞାନରେ ୫୫୪୧ ଜଣ ପରୀକ୍ଷା ଦେଇଥିବା ବେଳେ ୪୮୦୨ ଜଣ ପାସ୍ ହୋଇଛନ୍ତି । ଏହାର ପାସ ହାର ୮୬.୬୬ ପ୍ରତିଶତ ରହିଛି । ସେହିପରି ବାଣିଜ୍ୟରେ ୧୦୮୯ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ୯୮୨ ଜଣ ଛାତ୍ରଛାତ୍ରୀ ପାସ୍ କରିଥିବା ବେଳେ ବାଣିଜ୍ୟରେ ପାଶ୍ ହାର ରହିଛି ୯୦.୧୭ ପ୍ରତିଶତ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
