ବ୍ରହ୍ମପୁର: କୋରୋନା ରୂପକ ଲକଡାଉନ୍ ଓ ସଟଡାଉନ୍ ସମୟରେ ଗଞ୍ଜାମ ଜିଲ୍ଲାରେ ବେଆଇନ ଭାବରେ ଗଢି ଉଠିଥିବା ବେଆଇନ କାରବାର ଉପରେ ପୋଲିସ ପକ୍ଷରୁ କ୍ରମାଗତ ଭାବରେ ଚଢାଉ ଜାରି ରହିଛି । ଏହି କ୍ରମରେ ଜିଲ୍ଲାର ପାଟପୁର ଥାନା ଅଞ୍ଚଳରେ ରହିଥିବା ସିଗାରେଟ ଓ ଗୁଟଖା ପ୍ରସ୍ତୁତି ୟୁନିଟ ଉପରେ ପୋଲିସ ପକ୍ଷରୁ କରାଯାଇଛି ଚଢ଼ାଉ ।
ଗତ ସାତ ଦିନ ମଧ୍ୟରେ ପାଟପୁର ପୋଲିସର ଉଦ୍ୟମରେ ତିନୋଟି ଭେଜାଲ କାରଖାନା ଉପରେ ଅତର୍କିତ ଚଢ଼ାଉ କରାଯାଇଛି । ଏରେଣ୍ଡ୍ରା ଗ୍ରାମରେ ପୋଲିସ ଟିମ୍ ଚଢ଼ାଉ କରିଥିବା ବେଳେ ସେଠାରେ ଚାଲିଥିବା ନକଲି ସିଗାରେଟ ନକଲି ଗୁଟଖା ପ୍ରସ୍ତୁତ ଗୋଦାମ ଉପରେ ପାଟପୁର ପୋଲିସ ଚଢ଼ାଉ କରିଥିଲା । ସେଥିରୁ ଲକ୍ଷ ଲକ୍ଷ ଟଙ୍କାର ସାମଗ୍ରୀ ଜବତ ହୋଇଛି ।
ଏହି ଚଢାଉ ସମୟରେ ବିମଲ, କେ.କେ , ସିଗାରେଟ, ମୁଖ ସୁଧି ଜବତ କରାଯାଇଥିବା ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି । ଏହି ଘଟଣାରେ ମିଟୁ ଓରଫ କାଳୀପ୍ରସାଦ ମିଶ୍ର ଜଣେ ଯୁବକକୁ ଗିରଫ କରାଯାଇଛି । ପୂର୍ବରୁ ଉକ୍ତ ଥାନା ଅଞ୍ଚଳରେ ନକଲି ଗୁଟକା କାରଖାନା ସହିତ ନକଲି ମୃଦ୍ୟୁ ପାନୀୟ କାରଖାନା ଠାବ କରାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
