ବ୍ରହ୍ମପୁର: ବ୍ରହ୍ମପୁର ପରେ ଶେରଗଡ । ତପସ୍ବିନୀଙ୍କ ପରେ ଝୁନୁ । ନିଜର ହକ ପାଇଁ ବ୍ରହ୍ମପୁରର୍ ଶ୍ବଶୁର ଘର ସମ୍ମୁଖରେ ଧାରଣା ଦେଇଥିଲେ ତପସ୍ବିନୀ । ଆଉ ଏବେ ଶେ୍ରଗଡରେ ନ୍ୟାୟ ପାଇଁ ପ୍ରେମିକର ଘର ସ୍ମ୍ମୁଖରେ ଧାରଣାରେ ବସିଛନ୍ତି ପ୍ରେମିକା ଝୁନୁ । ନଅ ବର୍ଷ ଧରି ବିବାହ ପ୍ରତିଶୃତି ଦେଇ ଅନୈତିକ ସମ୍ପର୍କ ରଖିବାରେ ଶେଷରେ ଅନ୍ୟତ୍ର ବିବାହ କରିଥିଲେ ପ୍ରେମିକ । ଆଉ ଏବେ ନ୍ୟାୟ ପାଇଁ ପ୍ରେମିକ ଘର ସମ୍ମୁଖରେ ପ୍ରେମିକା ଧାରଣା ଦେଇଛି । ଗଞ୍ଜାମ ଜିଲ୍ଲାର ଶେରଗଡ଼ ତୋଟା ସାହିରେ ଗଗନ ବଡତ୍ୟା ନାମକ ଯୁବକଙ୍କ ଘର ଆଗରେ ଧାରଣା ଦେଇଛନ୍ତି ପ୍ରେମିକା ଝୁନୁ।
ଦୀର୍ଘ ଦିନ ଧରି ଗଗନ ରାଜମିସ୍ତ୍ରୀ ଭାବରେ କାର୍ଯ୍ୟ କରୁଥିବା ବେଳେ ତାଙ୍କ ସହଯୋଗୀ ଭାବରେ ଧାରଣା ଦେଇଥିବା ଝୁନୁ ନାୟକ କାର୍ଯ୍ୟ କରୁଥିଲେ । ଏହାପରେ ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିବା ପରେ ବିବାହର ପ୍ରତିଶୃତି ଦେଇ ପ୍ରେମିକାଙ୍କ ସହ ଶାରୀରିକ ସମ୍ପର୍କ ରଖିଥିଲେ ପ୍ରେମିକ । କିନ୍ତୁ ହଠାତ ଝୁନୁଙ୍କୁ କିଛି ନଜଣାଇ ଗଗନ ଗତ ୨୬ ତାରିଖ ଦିନ ଅନ୍ୟତ୍ର ବିବାହ କରିଥିଲେ । ଖବର ପାଇ ପ୍ରେମିକା ଝୁନୁ ଥାନାର ଦ୍ବାରସ୍ଥ ହୋଇଥିଲେ ମଧ୍ୟ କୌଣସି ସୁଫଳ ନମିଳିବାରୁ ଶେଷରେ ନ୍ୟାୟ ଦାବିରେ ଗଗନଙ୍କ ଘର ସମ୍ମୁଖରେ ଧାରଣା ଦେଇଥିଲେ । ତେବେ ପୋଲିସ ଘଟଣାସ୍ଥଳରେ ପହଞ୍ଚି ମହିଳାଙ୍କୁ ତଦନ୍ତ କରିବା ପାଇଁ ଥାନାକୁ ନେଇଛି ।
ବ୍ରହ୍ମପୁରରୁ ସମାର ଆଚାର୍ଯ୍ୟ, ଇଟିଭି ଭାରତ
