ବ୍ରହ୍ମପୁର: ସ୍ୟାଣ୍ଡ ଆନିମେସନ ମାଧ୍ୟମରେ ଓଡିଆ ନବବର୍ଷର ଶୁଭେଚ୍ଛା ଜଣାଇ ଘରେ ରହିବାକୁ ବାଲୁକା ଶିଳ୍ପୀଙ୍କ ଆହ୍ବାନ । ସୋମବାର ଓଡିଆ ନବବର୍ଷ ତଥା ପଣା ସଂକ୍ରାନ୍ତି ଅବସରରେ ଶୁଭେଚ୍ଛା ଜଣାଇଛନ୍ତି ବ୍ରହ୍ମପୁରର ବାଲୁକାଶିଳ୍ପୀ ସତ୍ୟ ମହାରଣା । କେବଳ ସେତିକି ନୁହେଁ, ବରଂ କୋରୋନା ପାଇଁ ସଭିଏଁ ଘରେ ରୁହନ୍ତୁ ବୋଲି ମଧ୍ୟ ସେ ବାର୍ତ୍ତା ଦେଇଛନ୍ତି ।
ସ୍ୟାଣ୍ଡ ଆନିମେସନରେ ଓଡିଆ ନବବର୍ଷ ଓ କୋରୋନା ସୁରକ୍ଷା ବାର୍ତ୍ତା
ବାଲୁକାକଳାରେ ସର୍ବଦା ନିଜକୁ ନିମଗ୍ନ ରଖୁଥିବା ଏହି ଯୁବ ପ୍ରତିଭା ଜଣଙ୍କ ବିଭିନ୍ନ ସମୟରେ ନିଜ ବାଲୁକାକଳା ଜରିଆରେ ବିଭିନ୍ନ ବାର୍ତ୍ତା ଦେଇ ଆସିଛନ୍ତି । ବର୍ତ୍ତମାନ ସମଗ୍ର ବିଶ୍ବ ମହାମାରୀ କୋରୋନାରୁ ରକ୍ଷା ପାଇବା ପାଇଁ ଲକଡାଉନ ଦେଇ ଗତି କରୁଥିବା ବେଳେ ସତ୍ୟ ଏନେଇ ଦେଇଛନ୍ତି ସୁରକ୍ଷାର ବାର୍ତ୍ତା । ସେ ସ୍ୟାଣ୍ଡ ଆନିମେସନ ଜରିଆରେ ‘ସୁରକ୍ଷିତ ରହିବା ପାଇଁ ଘରେ ରୁହନ୍ତୁ’ର ବାର୍ତ୍ତା ଦେଇଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
