ବ୍ରହ୍ମପୁର: ଗଞ୍ଜମ ଓ ଗଜପତି ଜିଲ୍ଲାରେ ଶନିବାର ସକାଳେ ଅନୁଭୂତ ହୋଇଛି ମୃଦୁ ଭୂମିକମ୍ପ । ବ୍ରହ୍ମପୁରଠାରୁ 73 କିଲୋମିଟର ପଶ୍ଚିମ-ଦକ୍ଷିଣ ପଶ୍ଚିମ ଅଞ୍ଚଳରେ ସକାଳ 7ଟା 10 ମିନିଟ 2 ସେକାଣ୍ଡ ସମୟରେ ଏହା ଅନୁଭୂତ ହୋଇଥିବା ପାଣିପାଗ ବିଭାଗ କାର୍ଯ୍ୟାଳୟ ପକ୍ଷରୁ ସ୍ପଷ୍ଟ କରାଯାଇଛି । ରିକ୍ଟର ସ୍କେଲରେ ଏହାର ତୀବ୍ରତା 3.8 ରହିଥିବା ଜଣାପଡିଛି ।
ଏହି ଭୂମିକମ୍ପ ପ୍ରାୟତଃ 16 କିଲୋମିଟର ଗଭୀରତା ପର୍ଯ୍ୟନ୍ତ ହୋଇଥିବା ବେଳେ ଗଞ୍ଜାମ ଜିଲ୍ଲାର ଚିକିଟି, ପାତ୍ରପୁର ଏବଂ ଗଜପତି ଜିଲ୍ଲାର ମୋହନା ଅଞ୍ଚଳ ସମେତ ଆନ୍ଧ୍ରପ୍ରଦେଶ ସୀମାନ୍ତ ଶ୍ରୀକାକୁଲମ୍ ଅଞ୍ଚଳରେ ଅନୁଭୂତ ହୋଇଥିବା ଜଣାପଡିଛି । ସେପଟେ ଭୂମିକମ୍ପର କେନ୍ଦ୍ରସ୍ଥଳ 19.18 ଡିଗ୍ରୀ ଉତ୍ତର ଏବଂ 84.11 ଡିଗ୍ରୀ ପୂର୍ବ ଅଞ୍ଚଳରେ ହୋଇଥିବା ପାଣିପାଗ ବିଭାଗ କାର୍ଯ୍ୟାଳୟର ତଥ୍ୟରୁ ସ୍ପଷ୍ଟ ହୋଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
