ବ୍ରହ୍ମପୁର: ସ୍ବାସ୍ଥ୍ୟ ପରିବାର ଗ୍ରାମୀଣ ପଞ୍ଚାୟତି ଯୋଜନା ନାମରେ ମେଡିକାଲ ସହାୟତା ନିଯୁକ୍ତି ପତ୍ର ପ୍ରଦାନ କରାଯାଉଥିବା ଜିଲ୍ଲା ପ୍ରଶାସନର ନଜରକୁ ଆସିଛି । ଯାହାକି କପୋଳକଳ୍ପିତ ଓ ବୃଥା ଅଟେ । ଏ ଭଳି କୈଣସି ଯୋଜନା ନାହିଁ, କେହି ଜଣେ ଦୁର୍ବୃତ୍ତ ଏଭଳି ନିଯୁକ୍ତି ପତ୍ର ଦେଇ ଯୁବ ବର୍ଗଙ୍କ ଠାରୁ ଠକିନେଉଥିବା ଜଣାପଡିଛି ।
ଏଭଳି ନିଯୁକ୍ତି ପତ୍ରକୁ ଖଣ୍ଡନ କରି ତଦନ୍ତର ନିର୍ଦ୍ଦେଶ ଦେଇଛନ୍ତି ଗଞ୍ଜାମ ଜିଲ୍ଲାପାଳଙ୍କ । ତେବେ ଏହି ନିର୍ଦ୍ଦେଶ କ୍ରମେ ଜିଲ୍ଲା ମୁଖ୍ୟ ଚିକିତ୍ସା ଓ ଜନସ୍ବାସ୍ଥ୍ୟ ଅଧିକାରୀଙ୍କ ଦ୍ବାରା ଉଭୟ ଗଞ୍ଜାମ ଓ ଛତ୍ରପୁର ଆରକ୍ଷୀ ଅଧୀକ୍ଷକଙ୍କୁ ଏହାର ଅନୁସନ୍ଧାନ ନିମନ୍ତେ ପତ୍ର ସଂଖ୍ୟା ୧୨୫୪୩ ତା. ୧୮.୦୮.୨୦୨୦ରେ ଜଣାଯାଇଛି ।
