ବ୍ରହ୍ମପୁର: ଗଞ୍ଜାମ ଜିଲ୍ଲାର ଶେରଗଡ ବ୍ଲକ ଅନ୍ତର୍ଗତ ଶୋଭାଚନ୍ଦ୍ରପୁର ଗାଁରେ ଅଘଟଣ । ସ୍ଥାନୀୟ ଅଞ୍ଚଳରେ ବଣୁଆ ହାତୀଙ୍କ ଆତଙ୍କ ଖେଳି ଥିବାବେଳେ ଦନ୍ତା ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବା ଅଭିଯୋଗ ଆସିଛି । ମୃତକ ଜଣକ ହେଲେ, ଶ୍ୟାମ ବେହେରାଙ୍କ ପୁତ୍ର ଭୀମ ବେହେରା ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ଖବରମୁତାବକ, ଭୀମ ବେହେରା କୌଣସି କାର୍ଯ୍ୟରେ ବାହାରକୁ ଯାଇଥିବା ସମୟରେ ଦନ୍ତା ତାଙ୍କୁ କଚାଡି ମାରି ଦେଇଥିଲା । ତେବେ ଖବର ପାଇ ଘଟଣାସ୍ଥଳରେ ବନବିଭାଗ ପହଞ୍ଚି ଘଟଣାର ଅନୁଧ୍ୟାନ କରିଥିଲେ । ତେବେ ପୋଲିସ୍ ମୃତଦେହକୁ ଉଦ୍ଧାର କରି ମୃତଦେହକୁ ବ୍ୟବଚ୍ଛଦ କରାଯିବା ପରେ ପରିବାରବର୍ଗଙ୍କୁ ହସ୍ତାନ୍ତର କରିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
