ବ୍ରହ୍ମପୁର : ରାତି ପାହିଲେ ଆଲୋକର ପର୍ବ ଦୀପାବଳୀ । ଏହି ଦୀପାବଳୀ ଅବସରରେ ସାରା ଦେଶରେ ସାଧାରଣ ଜନତାଙ୍କ ଠାରୁ ଆରମ୍ଭ କରି ସବୁ ବର୍ଗର ବ୍ୟକ୍ତିବିଶେଷ ଫୁଟାଇଥାନ୍ତି କୋଟି କୋଟି ଟଙ୍କାର ବାଣ । ହେଲେ ପ୍ରଦୂଷଣ ଯୁକ୍ତ ବାଣରେ ରହିଥିବା ବିଷାକ୍ତ ପରିମାଣ ସାଧାରଣ ବ୍ୟକ୍ତି ବିଶେଷଙ୍କ ଠାରୁ ଆରମ୍ଭ କରି ରୋଗୀ, ଶିଶୁ ଓ ବୃଦ୍ଧଙ୍କ ସମେତ ସମାଜର ଅନେକ ଜୀବ ଜନ୍ତୁଙ୍କ ଅନେକ କ୍ଷତି ଘଟାଇଥାଏ ।
ସ୍ଥାନୀୟ ଆଞ୍ଚଳିକ ବିକାଶ ପରିଷଦ ବ୍ରହ୍ମପୁର ସହରରେ ବାଣ ନ ଫୁଟାଇ ସମସ୍ତଙ୍କ ମୁହଁରେ ହସ ଫୁଟାଇବା ପାଇଁ ଆହ୍ବାନ କରିଛି । ଏହି ଅବସରରେ କର୍ମକର୍ତ୍ତାଙ୍କ ଠାରୁ ଆରମ୍ଭ କରି ସହରର ବିଭିନ୍ନ ବର୍ଗର ବ୍ୟକ୍ତିବିଶେଷ ସାରା ସହର ପରିକ୍ରମା କରି ଲୋକଙ୍କୁ ବାଣ ନ ଫୁଟାଇବା ପାଇଁ ସଚେତନତାର ବାର୍ତ୍ତା ଦେଇଛି । ସେହି ଅର୍ଥରେ କୌଣସି ବିଦ୍ୟାଳୟ ଠାରୁ ଆରମ୍ଭ କରି ଅନାଥାଶ୍ରମ, ଦୃଷ୍ଟିହୀନଙ୍କୁ ସହଯୋଗ କରିବାକୁ ନିବେଦନ କରିଛନ୍ତି । ଏପରିକି ଦେଶର ରାଜଧାନୀ ଦିଲ୍ଲୀରେ ଦୀପାବଳି ଯୋଗୁଁ ଯେପରି ସମସ୍ୟା ସୃଷ୍ଟି ହୋଇଥାଏ, ତାହା ଯେପରି ଅନ୍ୟ କୌଣସି ସ୍ଥାନରେ ପରିବେଶକୁ ଦୂଷିତ ନ କରିବ, ତାହାକୁ ନେଇ ସମସ୍ତେ ସତର୍କ ହେବାକୁ ଆହ୍ବାନ କରିଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
