ବ୍ରହ୍ମପୁର: ଗଞ୍ଜାମ ଜିଲ୍ଲାର ଆସିକା ଅଧିନସ୍ଥ ପାଣ୍ଡିଆପଥର ଗ୍ରାମରେ ଡିଟୋନେଟର ବିସ୍ଫୋରଣ ହେବାରେ ଜଣେ ଛାତ୍ର ଆହତ ହୋଇଥିବାର ଖବର ମିଳିଛି । ଚିକିତ୍ସା ପାଇଁ ଆହତଙ୍କୁ ପ୍ରଥମେ ସ୍ଥାନୀୟ ଚିକିତ୍ସାଳୟ ପରେ ବ୍ରହ୍ମପୁରକୁ ସ୍ଥାନାନ୍ତରିତ କରାଯାଇଛି ।
ସୋମବାର ସକାଳେ ପାଣ୍ଡିଆପଥର ଗ୍ରାମର 14 ବର୍ଷୀୟ ବାଳକ ଶେଖ୍ ସଫି ଶୌଚ ହେବାପାଇଁ ଯାଇଥିବା ସମୟରେ ଏକ ଡିଟୋନେଟର ସହ କିଛି ତାରକୁ ସଂଯୋଗ କରିବାରୁ ବିସ୍ଫୋରଣ ହୋଇଥିଲା । ଏହା ପୂର୍ବରୁ ଗଞ୍ଜାମର ଆସିକା ବ୍ଳକ ଅଧିନରେ ଥିବା ମାଗୁର ଉଚ୍ଚ ପ୍ରାଥମିକ ବିଦ୍ୟାଳୟରେ ଡିଟୋନେଟର ବିସ୍ଫୋରଣରେ ଅନଜଣେ ଛାତ୍ର ଆହତ ହୋଇଥିବାର ଖବର ଆସିଥିଲା ।
ଜିଲ୍ଲାରେ ଥିବା ବିଭିନ୍ନ କ୍ରସରରେ ହେଉଥିବା ବିସ୍ପୋରଣ ପାଇଁ ଡିଟୋନେଟର ବ୍ୟବହାର କରାଯାଉଛି । ଏହା ଅନେକ ସମୟରେ ବାହାରେ ପଡିରହୁଛି । ଏହା ଫଳରେ ବିସ୍ପୋରଣ ହେବା ଯୋଗୁଁ ବାରମ୍ବାର ଅଘଟଣା ଘଟୁଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
